Shyǵys Qazaqstan oblysy Kúrshim aýdanynda órt sóndirýshiler 40 gektardy sharpyǵan qyzyl jalynmen kúresip jatyr, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, Kúrshim aýdanynda shóp órtenip, oqiǵa ornyna qutqarýshylar shuǵyl kelip jetken.
«Saǵat shamamen 14.00-de ashyq jerde shóp jandy. Órt sóndirýshiler jalyndy aýyzdyqtaýǵa kiristi. Alaida lezde taraǵan ot 40 gektar aýmaqqa jaiylyp ketken», - dep habarlady vedomstvo ókilderi.
Qazirgi ýaqytta jeke quramnan 13 adam men 2 tehnika, orman sharýashylyǵynan 11 adam men 3 tehnika, jergilikti atqarýshy organnan 1 sý tasyǵysh kólik pen 2 traktor jáne jergilikti 25 turǵyn tilsiz jaýmen kúresip jatyr.
