Shyǵys Qazaqstan oblysynda boranǵa bailanysty tasjoldardyń birinde kólik qozǵalysy shekteldi, dep habarlaidy "Ult aqparat".
«Qazaqavtojol» JShS ShQO filialynyń málimetine súiensek, 5 aqpanda saǵat 18.30-dan bastap óńirde aýa raiynyń nasharlaýyna bailanysty (burqasyn, joldyń kórinbeýi) respýblikalyq mańyzy bar «Óskemen-Semei» tasjolynyń 10-198 shaqyrymynda ( Qalbataý aýyly men Semei qalasynyń aralyǵy) júk kólikteriniń jáne avtobýstardyń qozǵalysyna shekteý qoiyldy.
Osy rette, Shyǵys Qazaqstan oblystyq Tótenshe jaǵdailar departamenti turǵyndarǵa alys saparǵa shyǵar aldynda joldardyń jai-kúiin «Dármen» mobildi qosymshasy arqyly tekserip otyrýǵa keńes beredi.
