Shyǵys Qazaqstan oblysynda bir túnde 26 adam qar qursaýynan qutqaryldy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, birinshi qońyraý «Maqanshy-Úrjar» tasjolynda Toyota Highlander kóligi jyraǵa qulap ketken júrgizýshiden tústi. Oqiǵa ornyna kelgen №54 órt sóndirý bóliminiń qyzmetkerleri arnaiy tehnikamen kólikti súirep shyǵardy. Osylaisha, 3 adam Maqanshyǵa qarai qaita bet alǵan.
«Sondai-aq «Maqanshy-Blagodarnoe» tasjolynda qarǵa batqan 2 kólikte 4 adam bolǵan. Qutqarýshylar birden sol jerge jetip olardy evakýatsiialady. Dál osyndai jaǵdai Tarbaǵatai aýdanyndaǵy Aqjar-Shilikti tasjolynda tirkelgen. Qar qursaýynda qalǵan 2 kóliktegi 4 azamatty №52 órt sóndirý bóliminiń qyzmetkerleri mańaidaǵy qystaqqa jetkizdi», - dep habarlady vedomstvo ókilderi.
Al «Omby-Maiqapshaǵai» tasjolynda jolda qalǵan 6 kóliktiń ishinde «Gazel» men KamAZ bolǵan. Qutqarýshylar kólikterdi qardan shyǵaryp, 15 adamdy Zaisan qalasyna deiin aparyp tastady.
Jalpy 1 túnniń ishinde qar qursaýynda qalǵan 26 adam qutqaryldy.
