Shyǵys Qazaqstan oblysynda órt sóndirýshiler bir kún ishinde 5 ret qyzyl jalyndy sóndirdi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetinshe, 28 shilde kúni saǵat 11.39-da Ulan aýdany Jeldiózek kentinde monsha men garajdyń shatyry órtengen. Oqiǵa ornyna shuǵyl jetken qutqarýshylar 96 sharshy metr aýmaqty jailaǵan jalyndy sóndirdi.
«Saǵat 19.38-de Óskemendegi Týrgenev kóshesinde jeke turǵyn úi men monshada órt shyqqan. Jalyn sharpyǵan aýmaq 6 sharshy metrdi qurady. Belgili bolǵandai, ottyń shyǵýyna peshti paidalaný kezinde órt qaýipsizdigi talaptarynyń saqtalmaýy sebep bolǵan», - delingen habarlamada.
Semeidegi Grajdanskaia kóshesinde jalyn sharpyǵan jer úige qutqarýshylar kelip jetkenshe 2007 jylǵy bozbala óz betimen syrtqa shyǵyp úlgergen. Jalpy aýdany 30 sharshy metrdi sharpyǵan tilsiz jaý kóp uzamai aýyzdyqtaldy.
«Óskemendegi «Pishevik-1» saiajai qoǵamdastyǵynda ornalasqan jeke turǵyn úide jihaz órtendi. Jalyn sharpyǵan aýmaq - 24 sharshy metr. Shemonaiha qalasy Panfilov kóshesindegi órtengen úiden 1989 jyly týǵan er adamnyń máiiti tabyldy. Órtti sóndirýge 11 adam men 3 tehnika jumyldyrylǵan», - delingen málimette.
