Sinoptikter búgin qatty jel, tuman, kóktaiǵaq jáne shańdy daýyl bolatynyn eskertti, dep habarlaidy ult.kz.
Jetisý oblysynyń shyǵysy men taýly aýdandarynda jeldiń ekpini 15-20 m/s, Alakól kólderi aýdanynda 23-28 m/s, kei ýaqyttarda 30 m/s jáne odan da joǵary bolýy múmkin. Taýly aýdandarda tuman kútiledi.
Shyǵys Qazaqstan oblysynda túnde jańbyr men qar túrinde jaýyn-shashyn, kei jerlerde qatty jaýyn-shashyn bolady. Óńirdiń shyǵysy men taýly aýdandarynda tuman jáne kóktaiǵaq kútiledi. Jeldiń ekpini 25 m/s-qa deiin jetýi múmkin. Óskemende kúndiz jel 15-20 m/s jyldamdyqpen soǵady.
Abai oblysynyń batysynda, shyǵysynda jáne ońtústiginde túnde kóktaiǵaq bolady. Jeldiń ekpini 25 m/s-qa deiin kútiledi. Qaraǵandy oblysynyń soltústigi men shyǵysynda kóktaiǵaq, shyǵysynda túnde jáne tańerteń tuman boljanady. Qaraǵandy qalasynda túnde jeldiń ekpini 15 m/s-qa jetýi múmkin.
Almaty oblysynda jeldiń ekpini 15-20 m/s bolady. Túnde oblystyń soltústigi men batysynda topyraq betinde 1-3 gradýs úsik kútiledi. Qonaev qalasynda da kúndiz jel kúsheiedi.
Atyraý oblysynyń soltústiginde, batysynda jáne ońtústiginde kúndiz shańdy daýyl bolýy yqtimal. Jeldiń ekpini 15-20 m/s-qa jetedi. Atyraý qalasynda jel 15-18 m/s jyldamdyqpen soǵady. Mańǵystaý oblysynyń soltústigi men ortalyǵynda shańdy daýyl kútiledi. Aqtaýda kúndiz jeldiń ekpini 15-18 m/s bolady.
Túrkistan oblysynyń soltústiginde, batysynda jáne taýly aýdandarynda jeldiń ekpini 15-20 m/s-qa jetedi. Taýly jerlerde tuman kútiledi. Jambyl oblysynyń taýly aýdandarynda túnde jáne tańerteń tuman bolady. Kúndiz oblystyń ońtústik-batysy, soltústik-shyǵysy men taýly aýdandarynda jel kúsheiedi.
Aqtóbe oblysynyń soltústigi men shyǵysynda túnde jáne tańerteń tuman boljanady. Batysynda, soltústiginde jáne ortalyǵynda kúndiz jeldiń ekpini 15-18 m/s-qa jetedi. Batys Qazaqstan oblysynyń ońtústiginde kúndiz jel 15-20 m/s jyldamdyqpen soǵady.
Aqmola oblysynyń batysy, soltústigi men shyǵysynda túnde jáne tańerteń tuman kútiledi. Astanada da osy ýaqytta tuman bolýy múmkin. Pavlodar oblysynyń batysy, ońtústigi men ortalyǵynda, sondai-aq Pavlodar qalasynda túnde jáne tańerteń tuman boljanady. Soltústik Qazaqstan oblysynyń birqatar aýdany men Petropavl qalasynda da tuman kútiledi. Qostanai oblysynyń batysy men soltústiginde túnde jáne tańerteń tuman bolady.
Budan bólek, Qyzylorda oblysy men qalasynda, sondai-aq Ulytaý oblysynyń batysy, ońtústigi men ortalyǵynda tótenshe órt qaýpi saqtalady. Joǵary órt qaýpi Atyraý, Aqtóbe, Mańǵystaý, Batys Qazaqstan, Jetisý, Qyzylorda jáne Qostanai oblystarynyń jekelegen aýdandarynda boljanady.
Sinoptikter qolaisyz aýa raiy kezinde turǵyndarǵa saqtyq sharalaryn saqtaýdy eskertedi.
