Almatyda arandatýshylyq videolarymen tanylǵan 28 jastaǵy bloger Nazar Rollan izdeýge jariialandy. Ol qaladaǵy «Ldinka» kafesinde bolǵan tóbeleske qatysty kúdikti dep tanylǵan, dep habarlaidy ult.kz Kozachkov offside Telegram arnasyna silteme jasap.
Bloger buǵan deiin de jol erejesin buzǵan videolarymen tanylǵan. Ol internette qaýipti kólik júrgizý jáne ózge de quqyq buzýshylyqtardy túsirip, jariialap otyrǵan. Osyndai áreketteriniń biri úshin ol jeti táýlikke ákimshilik qamaqqa alynǵan.
Al bul joly blogerge qatysty «Ldinka» kafesindegi tóbeles deregi boiynsha sotqa deiingi tergeý júrip jatyr. Isti Almaty qalasy Almaly aýdanynyń politsiia basqarmasy tergep jatyr.
Derekkózdiń málimetinshe, Nazar Rollandy tergeý aiasynda jaýap berýge shaqyrǵanymen, ol politsiiaǵa barmaǵan. Keiin blogerdiń Qazaqstannan ketip qalǵany anyqtalǵan. Qazir onyń Taiaý Shyǵysta nemese Ońtústik-Shyǵys Aziia elderiniń birinde bolýy múmkin ekeni aitylady.
Tergeý áreketterine qatysýdan jaltarýyna bailanysty ol izdeýge jariialanǵan. Bul is boiynsha blogerdiń súiiktisi de kúdiktiler qatarynda ekeni habarlandy.
