15 qazanda Qazaqstannyń shyǵysy men ońtústik-shyǵysynda jańbyr men qar jaýyp, kei jerde jaýyn-shashyn kúsheiedi. Shyǵysta kóktaiǵaq bolyp, eldiń birqatar óńirinde jel kúsheiedi, túnde jáne tańerteń tuman túsedi, dep habarlaidy ult.kz.
Astanada kún ala bultty, jaýyn-shashynsyz bolady. Jeldiń jyldamdyǵy 5–10 m/s. Aýa temperatýrasy túnde 2–4 gradýs aiaz, kúndiz 7–9 gradýs jyly bolady. Almatyda kei ýaqytta jańbyr jaýady. Soltústik-shyǵystan soǵatyn jeldiń jyldamdyǵy 3–8 m/s, kúndiz ekpini 13 m/s-qa jetedi. Túnde 7–9, kúndiz 16–18 gradýs jyly kútiledi. Shymkentte jaýyn-shashyn bolmaidy. Jel 8–13 m/s jyldamdyqpen soǵady. Túnde 8–10, kúndiz 24–26 gradýs jyly bolady.
Aqmola oblysynda jaýyn-shashynsyz aýa raiy kútiledi. Batysynda, soltústiginde jáne shyǵysynda tuman túsedi. Soltústik-shyǵystan 9–14 m/s jel soǵady. Túnde 1–6, oblystyń batysy men soltústiginde 9 gradýsqa deiin aiaz bolady. Kúndiz 4–9, batysynda 12 gradýs jyly kútiledi. Almaty oblysynyń ońtústiginde jańbyr, kei ýaqytta qatty jańbyr jaýady. Taýly aýdandarda jańbyr men qar túrindegi jaýyn-shashyn kúsheiedi. Túnde 5–10 gradýs jyly, taýda 2 gradýs aiazdan 3 gradýs jylyǵa deiin bolady.
Shyǵys Qazaqstan oblysynda túnde jańbyr men qar jaýyp, kei ýaqytta jaýyn-shashyn kúsheiedi. Shyǵysy men taýly aýdandarynda tuman, kóktaiǵaq kútiledi. Jel 9–14 m/s, batysynda, shyǵysynda jáne ońtústiginde 15–20 m/s, ekpini 25 m/s-qa jetedi. Túnde 1–6 gradýs aiaz, ońtústiginde 2 gradýs jyly bolady. Kúndiz 3–8 gradýs jyly, shyǵysy men taýly aýdandarynda 2 gradýs aiaz kútiledi.
