QR Quryltaiynyń jalpy otyrysynda Qarjy ministri Mádi Takiev 2027-2029 jyldarǵa arnalǵan respýblikalyq biýdjet jobasyn tanystyrdy, dep habarlaidy ult.kz.
2027 jylǵa arnalǵan biýdjettiń negizgi kórsetkishteri:
- kiris – 25,4 trln teńge;
- shyǵystar – 30,2 trln teńge;
- tapshylyq – 4,6 trln teńge nemese IJÓ shaqqanda 2,3%.
Respýblikalyq biýdjettiń menshikti kirisin 2029 jylǵa qarai 23,4 trln teńgege deiin ulǵaitý josparlanǵan.
Adami kapitalǵa 10,5 trln teńge nemese biýdjettiń jalpy kóleminiń 35% qarastyrylǵan. Onyń ishinde:
- 6,9 trln teńge - áleýmettik kómek pen qamsyzdandyrýǵa,
- 2,5 trln teńge - densaýlyq saqtaý salasyna baǵyttalady.
Óńirlerdi qoldaýǵa jyl saiyn 7,4 trln teńge bólý kózdelgen.
Jalpy sipattaǵy transfertter 12 bazalyq baǵyt boiynsha Óńirlik standarttar júiesimen bailanystyrylǵan.
Naqty sektordy damytýǵa arnalǵan shyǵystar – 3,7 trln teńge. Bul 2026 jylǵy jospardan 600 mlrd teńgege kóp.
Ulttyq qor esebinen úshjyldyq kezeńde 347 strategiialyq joba iske asyrylady. Onyń nátijesinde shamamen 31 myń jumys ornyn ashyp, 13 mln-dai adam infraqurylym igilikterine qol jetkizedi dep boljanǵan.
«Basty maqsat – ekonomikalyq ósimdi yntalandyrý, qarjy salasyndaǵy tártip pen memlekettiń azamattar aldyndaǵy barlyq áleýmettik mindettemeni kúmánsizoryndaý arasyndaǵy balansty saqtaý. Bul biýdjettiń basty nazarynda adam jáne adamǵa baǵdarlanǵan investitsiia», dep atap ótti Mádi Tókeshuly.
