شىعىس قازاقستان وبلىسىندا ٶرت سٶندٸرۋشٸلەر بٸر كٷن ٸشٸندە 5 رەت قىزىل جالىندى سٶندٸردٸ, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, 28 شٸلدە كٷنٸ ساعات 11.39-دا ۇلان اۋدانى جەلدٸٶزەك كەنتٸندە مونشا مەن گاراجدىڭ شاتىرى ٶرتەنگەن. وقيعا ورنىنا شۇعىل جەتكەن قۇتقارۋشىلار 96 شارشى مەتر اۋماقتى جايلاعان جالىندى سٶندٸردٸ.
«ساعات 19.38-دە ٶسكەمەندەگٸ تۋرگەنەۆ كٶشەسٸندە جەكە تۇرعىن ٷي مەن مونشادا ٶرت شىققان. جالىن شارپىعان اۋماق 6 شارشى مەتردٸ قۇرادى. بەلگٸلٸ بولعانداي, وتتىڭ شىعۋىنا پەشتٸ پايدالانۋ كەزٸندە ٶرت قاۋٸپسٸزدٸگٸ تالاپتارىنىڭ ساقتالماۋى سەبەپ بولعان», - دەلٸنگەن حابارلامادا.
سەمەيدەگٸ گراجدانسكايا كٶشەسٸندە جالىن شارپىعان جەر ٷيگە قۇتقارۋشىلار كەلٸپ جەتكەنشە 2007 جىلعى بوزبالا ٶز بەتٸمەن سىرتقا شىعىپ ٷلگەرگەن. جالپى اۋدانى 30 شارشى مەتردٸ شارپىعان تٸلسٸز جاۋ كٶپ ۇزاماي اۋىزدىقتالدى.
«ٶسكەمەندەگٸ «پيششەۆيك-1» ساياجاي قوعامداستىعىندا ورنالاسقان جەكە تۇرعىن ٷيدە جيھاز ٶرتەندٸ. جالىن شارپىعان اۋماق - 24 شارشى مەتر. شەمونايحا قالاسى پانفيلوۆ كٶشەسٸندەگٸ ٶرتەنگەن ٷيدەن 1989 جىلى تۋعان ەر ادامنىڭ مەيٸتٸ تابىلدى. ٶرتتٸ سٶندٸرۋگە 11 ادام مەن 3 تەحنيكا جۇمىلدىرىلعان», - دەلٸنگەن مەلٸمەتتە.
