قازاقستاندا تۇڭعىش رەت انانىڭ جۇمىرتقا جاسۋشا يادروسىن كٶشٸرۋ ەدٸسٸمەن سەبي دٷنيەگە كەلدٸ

الماتىداعى PERSONA كلينيكاسىندا جۇمىرتقا جاسۋشاسىنىڭ يادروسىن كٶشٸرۋ ەدٸسٸمەن دٷنيەگە كەلگەن قىز بالا بار. 43 جاستاعى ەيەل تٶرت جىل بويى ەكستراكورپورالدى ۇرىقتاندىرۋ (ەكۇ) ارقىلى جٷكتٸ بولۋعا تىرىسقانىمەن, نەتيجەسٸ بولماعان. بۇل تۋرالى دەرٸگەر الماز شارمان ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى ult.kz.

دەرٸگەردٸڭ مەلٸمەتٸنشە, ەيەلگە دونورلىق جۇمىرتقا جاسۋشاسىن پايدالانۋ ۇسىنىلۋى مٷمكٸن ەدٸ. الايدا بۇل جاعدايدا بالانىڭ گەنەتيكالىق ماتەريالى اناسىنىڭ گەندەرٸمەن تولىق سەيكەس كەلمەس ەدٸ. سوندىقتان ماماندار باسقا ەدٸستٸ قولدانعان.

جاسۋشا يادروسىن كٶشٸرۋ ەدٸسٸ قالاي جٷرگٸزٸلەدٸ?

ماماندار انانىڭ جۇمىرتقا جاسۋشاسىنان يادرونى الىپ, ٶز يادروسى الدىن الا الىنعان جاس دونوردىڭ جۇمىرتقا جاسۋشاسىنا كٶشٸرگەن. وسىلايشا, انانىڭ گەنەتيكالىق ماتەريالى دونور جاسۋشاسىنىڭ تسيتوپلازماسىمەن بٸرٸكتٸرٸلگەن.

تسيتوپلازمادا جاسۋشانى ەنەرگييامەن قامتاماسىز ەتەتٸن ميتوحوندرييالار بار. جاس ۇلعايعان سايىن ولاردىڭ قىزمەتٸ ەلسٸرەۋٸ مٷمكٸن. بۇل ەمبريوننىڭ قالىپتى دامۋىنا كەدەرگٸ كەلتٸرەدٸ.

جاڭا ەدٸستٸڭ ماقساتى – انانىڭ گەنەتيكالىق ماتەريالىن ساقتاي وتىرىپ, جاسۋشانىڭ دامۋىنا قاجەتتٸ جاعدايدى جاقسارتۋ. ودان كەيٸن ەكۇ رەسٸمٸ جٷرگٸزٸلگەن.

الماز شارماننىڭ جازۋىنشا, قىز بالانىڭ دنق-سىنىڭ 99,9 پايىزى اتا-اناسىنا تيەسٸلٸ. دونوردان ميتوحوندرييالار بەرٸلگەن. سوندىقتان بۇل ەدٸستٸ كەيدە «ٷش اتا-انادان تۋعان بالا» دەپ اتايدى.

ەدٸستٸ كٸم جٷرگٸزدٸ?

پروتسەدۋرانى اقش-تىڭ ورەگون شتاتىنداعى پورتلەند قالاسىندا جۇمىس ٸستەيتٸن پروفەسسور, عالىم شۋحرات ميتاليپوۆ جٷرگٸزگەن. ول PERSONA كلينيكاسىندا ەمبريولوگييا جٶنٸندەگٸ كەڭەسشٸ قىزمەتٸن اتقارادى. جوبانىڭ عىلىمي جەتەكشٸلەرٸ – شۋحرات ميتاليپوۆ پەن ۆياچەسلاۆ لوكشين. ەمبريولوگييا جۇمىستارىنىڭ بارلىعىن كلينيكانىڭ قازاقستاندىق ماماندارى اتقارعان.

دەرٸگەردٸڭ مەلٸمەتٸنشە, انا مەن نەرەستەنٸڭ جاعدايى جاقسى. تاعى بٸر پاتسيەنت وسى ەدٸسپەن جٷكتٸ بولىپ, بوسانۋعا دايىندالىپ جاتىر.

ەدٸس ەزٸرگە ەكسپەريمەنتتٸك دەڭگەيدە

الماز شارمان بۇل تەسٸلدٸڭ ەزٸرگە ەكسپەريمەنتتٸك ەكەنٸن اتاپ ٶتتٸ. ول بارلىق پاتسيەنتكە بٸردەي جارامايدى, گەنەتيكالىق اقاۋلاردى تٷزەتپەيدٸ جەنە سەتتٸ نەتيجە بەرەتٸنٸنە كەپٸلدٸك جوق.

ەدٸستٸڭ قاۋٸپسٸزدٸگٸ مەن تيٸمدٸلٸگٸن باعالاۋ ٷشٸن قوسىمشا زەرتتەۋلەر جٷرگٸزٸپ, دٷنيەگە كەلگەن بالالاردىڭ دەنساۋلىعىن ۇزاق ۋاقىت باقىلاۋ قاجەت.

دەگەنمەن, بٸرنەشە جىل بويى ەكۇ ارقىلى جٷكتٸ بولا الماعان وتباسىلار ٷشٸن بۇل تەسٸل جاڭا مٷمكٸندٸك بولۋى ىقتيمال.