Shyǵys Qazaqstan oblysynyń Buqtyrma sý qoimasynda jeńil kólik sýǵa batyp ketti, - dep habarlaidy Tengrinews.kz agenttigi.
Tótenshe jaǵdailar ministrliginiń málimetinshe, keshe saǵat 19.44-te Shyǵys Qazaqstan oblysy Samar aýdanyndaǵy Buqtyrma sý qoimasynyń Qyzyl tý ótkeli mańynda jolaýshylar kóligi sýǵa batyp ketken. Kólikte 5 adam bolǵan.
Saldarynan 1950 jyly týǵan áiel sýǵa batyp ketken.
Oqiǵa ornyna Shyǵys Qazaqstan oblysy tótenshe jaǵdailar departamentiniń jeke quramy bardy.
Aita keteiik, atalǵan jaǵdai bolǵan aýmaqta muz aidynyna shyǵýǵa tyiym salynatyny týraly belgi qoiylǵan.
"Kez kelgen sý aidynyndaǵy muzdyń qalyńdyǵy birkelki emes. Jaǵalaýǵa, qamys pen ósimdik jamylǵysynyń ainalasyna qar jinalady. Avtokólikterdiń qaýipsiz ótýi úshin muz jamylǵysynyń qalyńdyǵy - kem degende 30 sm, júk kóligi úshin avtomobildiń salmaǵyna bailanysty 70 sm-den kem bolmaýy kerek", - delingen habarlamada.
Tótenshe jaǵdailar ministrligi resmi túrde ruqsat etilgen muz ótkelderi ashylǵanǵa deiin kólikterdiń muz ústimen shyǵýyna qatań tyiym salynatynyn eske salady.
