شىعىس قازاقستان وبلىسىنىڭ بۇقتىرما سۋ قويماسىندا جەڭٸل كٶلٸك سۋعا باتىپ كەتتٸ, - دەپ حابارلايدى Tengrinews.kz اگەنتتٸگٸ.
تٶتەنشە جاعدايلار مينيسترلٸگٸنٸڭ مەلٸمەتٸنشە, كەشە ساعات 19.44-تە شىعىس قازاقستان وبلىسى سامار اۋدانىنداعى بۇقتىرما سۋ قويماسىنىڭ قىزىل تۋ ٶتكەلٸ ماڭىندا جولاۋشىلار كٶلٸگٸ سۋعا باتىپ كەتكەن. كٶلٸكتە 5 ادام بولعان.
سالدارىنان 1950 جىلى تۋعان ەيەل سۋعا باتىپ كەتكەن.
وقيعا ورنىنا شىعىس قازاقستان وبلىسى تٶتەنشە جاعدايلار دەپارتامەنتٸنٸڭ جەكە قۇرامى باردى.
ايتا كەتەيٸك, اتالعان جاعداي بولعان اۋماقتا مۇز ايدىنىنا شىعۋعا تىيىم سالىناتىنى تۋرالى بەلگٸ قويىلعان.
"كەز كەلگەن سۋ ايدىنىنداعى مۇزدىڭ قالىڭدىعى بٸركەلكٸ ەمەس. جاعالاۋعا, قامىس پەن ٶسٸمدٸك جامىلعىسىنىڭ اينالاسىنا قار جينالادى. اۆتوكٶلٸكتەردٸڭ قاۋٸپسٸز ٶتۋٸ ٷشٸن مۇز جامىلعىسىنىڭ قالىڭدىعى - كەم دەگەندە 30 سم, جٷك كٶلٸگٸ ٷشٸن اۆتوموبيلدٸڭ سالماعىنا بايلانىستى 70 سم-دەن كەم بولماۋى كەرەك", - دەلٸنگەن حابارلامادا.
تٶتەنشە جاعدايلار مينيسترلٸگٸ رەسمي تٷردە رۇقسات ەتٸلگەن مۇز ٶتكەلدەرٸ اشىلعانعا دەيٸن كٶلٸكتەردٸڭ مۇز ٷستٸمەن شىعۋىنا قاتاڭ تىيىم سالىناتىنىن ەسكە سالادى.
