Shyǵys Qazaqstan oblysynyń politsiia qyzmetkerleri aiazdy kúnderi tasjoldardy patrýldep, qiyn jaǵdaiǵa tap bolǵandarǵa kómek kórsetýde, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, júk kólikteriniń keibir júrgizýshileri aýa temperatýrasy kúrt tómendep ketýine bailanysty jolǵa shyǵýdan bas tartýda. Qazirde Semeiden Qalbataý aýylyna qarai shyǵa beriste 10 júk kóligi, al Borodýliha aýyly baǵytynda 5 júk kóligi toqtap tur.
Sondai-aq Aiagóz aýdanyndaǵy jol boiynda ornalasqan dámhanada 11 júk kóligi aiazdyń aiaqtalýyn kútýde.
«Almaty-Óskemen» tasjolyndaǵy dámhanada 5 jáne Qalbataý aýylynda 5 júk kóligi tur.
Jalpy 40-tan astam kólik quraly kúnniń jylynýyn tosýda. Politsiia qyzmetkerleri júrgizýshilerge qajetti barlyq kómekti kórsetýde.
«3 qańtardan bastap tehnikalyq aqaýǵa bailanysty «Óskemen-Semei» tasjolynda eki júk kóligi toqtap tur. Kólikter joldy bógemegen. Júrgizýshiler kólikterdi jóndeýge qajetti bólshekterdi sol jerde kútetindikterin aitty. Atalǵan ýchaskede patrýldik politseiler kezekshilik etýde», - dedi ShQO PD bastyǵy Saǵat Mádiev.
