Shyǵys Qazaqstan oblystyq Óner mýzeiinde Abaidyń 175 jyldyǵyna orai «Ǵasyrlardy toǵystyrǵan danalyq» atty kórme ashyldy, - dep habarlaidy QazAqparat.
22 qańtar kúni ashylǵan kórmede Qazaqstannyń tanymal qylqalam sheberleriniń Abai taqyrybynan syr shertetin týyndylary qoiylǵan. Atap aitsaq, QR Sýretshiler odaǵynyń múshesi Sydyhanov Abdrashittyń «Abai Joly. Abai anasynyń kiiz úii», Iýrii Bakýlinniń «Abaidyń portreti», Nurbulan Ótepbaevtyń «Abaidyń portreti», Gúlnar Bekberdinovanyń «Abai jáne Semeige oqýǵa kelgen balalary», Mádi Kaiyrhannyń «Bala Abai», «Kúz» syndy birqatar týyndylar kópshilik nazaryna usynyldy.
«Bul kórmeni uiymdastyrýdaǵy maqsatymyz – Abai Qunanbaiulynyń shyǵarmashylyǵyn nasihattaý, uly aqynnyń álemin beineleý óneri arqyly dáripteý. Mýzeidiń 2 zalyna jalpy sany 21 kartina qoiylǵan. Kórme naýryz aiynyń ortasyna deiin jalǵasady» deidi ShQO Óner mýzeiiniń direktory Bekaiym Uiabaeva.
