شىعىس قازاقستان وبلىستىق ٶنەر مۋزەيٸندە ابايدىڭ 175 جىلدىعىنا وراي «عاسىرلاردى توعىستىرعان دانالىق» اتتى كٶرمە اشىلدى, - دەپ حابارلايدى قازاقپارات.
22 قاڭتار كٷنٸ اشىلعان كٶرمەدە قازاقستاننىڭ تانىمال قىلقالام شەبەرلەرٸنٸڭ اباي تاقىرىبىنان سىر شەرتەتٸن تۋىندىلارى قويىلعان. اتاپ ايتساق, قر سۋرەتشٸلەر وداعىنىڭ مٷشەسٸ سىدىحانوۆ ابدراشيتتىڭ «اباي جولى. اباي اناسىنىڭ كيٸز ٷيٸ», يۋريي باكۋليننٸڭ «ابايدىڭ پورترەتٸ», نۇربۇلان ٶتەپباەۆتىڭ «ابايدىڭ پورترەتٸ», گٷلنار بەكبەردينوۆانىڭ «اباي جەنە سەمەيگە وقۋعا كەلگەن بالالارى», مەدي كايىرحاننىڭ «بالا اباي», «كٷز» سىندى بٸرقاتار تۋىندىلار كٶپشٸلٸك نازارىنا ۇسىنىلدى.
«بۇل كٶرمەنٸ ۇيىمداستىرۋداعى ماقساتىمىز – اباي قۇنانبايۇلىنىڭ شىعارماشىلىعىن ناسيحاتتاۋ, ۇلى اقىننىڭ ەلەمٸن بەينەلەۋ ٶنەرٸ ارقىلى دەرٸپتەۋ. مۋزەيدٸڭ 2 زالىنا جالپى سانى 21 كارتينا قويىلعان. كٶرمە ناۋرىز ايىنىڭ ورتاسىنا دەيٸن جالعاسادى» دەيدٸ شقو ٶنەر مۋزەيٸنٸڭ ديرەكتورى بەكايىم ۇياباەۆا.
