Shyǵys Qazaqstan oblysy Katonqaraǵai aýdanynda Abai atyndaǵy saiabaq salynady, dep habarlaidy QazAqparat.
Biyl uly aqynnyń 175 jyldyǵy aiasynda Katonqaraǵai aýdanynda birqatar sharalar qolǵa alynbaq. Sonyń ishindegi eń aýqymdysy – Abai atyndaǵy saiabaq qurylysy bolyp otyr.
«Qazaqtyń bas aqynyn ulyqtap, óskeleń urpaqqa nasihattaý maqsatynda Úlken Naryn aýylynda saiabaq salynady. Bul maqsatta 100 mln teńge qarajat qarastyrylǵan» - deidi Katonqaraǵai aýdany ákiminiń orynbasary Dosymbek Týmashinov.
Esterińizge sala ketsek, osyǵan deiin elimizde Abaidyń 175 jyldyq mereitoiyna qansha qarjy jumsalatyny habarlanǵan bolatyn.
