شىعىس قازاقستان وبلىسى كاتونقاراعاي اۋدانىندا اباي اتىنداعى ساياباق سالىنادى, دەپ حابارلايدى قازاقپارات.
بيىل ۇلى اقىننىڭ 175 جىلدىعى اياسىندا كاتونقاراعاي اۋدانىندا بٸرقاتار شارالار قولعا الىنباق. سونىڭ ٸشٸندەگٸ ەڭ اۋقىمدىسى – اباي اتىنداعى ساياباق قۇرىلىسى بولىپ وتىر.
«قازاقتىڭ باس اقىنىن ۇلىقتاپ, ٶسكەلەڭ ۇرپاققا ناسيحاتتاۋ ماقساتىندا ٷلكەن نارىن اۋىلىندا ساياباق سالىنادى. بۇل ماقساتتا 100 ملن تەڭگە قاراجات قاراستىرىلعان» - دەيدٸ كاتونقاراعاي اۋدانى ەكٸمٸنٸڭ ورىنباسارى دوسىمبەك تۋماشينوۆ.
ەستەرٸڭٸزگە سالا كەتسەك, وسىعان دەيٸن ەلٸمٸزدە ابايدىڭ 175 جىلدىق مەرەيتويىنا قانشا قارجى جۇمسالاتىنى حابارلانعان بولاتىن.
