Shyǵys Qazaqstan oblysynda 40 gradýs aiazǵa bailanysty kólik qozǵalysy shekteldi, dep habarlaidy "Ult aqparat".
«Qazaqavtojol» JShS Shyǵys Qazaqstan oblystyq filialy men «Oblshyǵysjol» JShS málimetine súiensek, óńirde aýa temperatýrasynyń kúrt tómendeýine (-40 gradýs) bailanysty 5 qańtarda saǵat 18:00-den bastap qoǵamdyq kólikter men dizeldik otynmen júretin kólikterge respýblikalyq jáne oblystyq mańyzy bar tasjoldardyń barlyq ýchaskelerinde júrýge ýaqytsha shekteý engizildi.
Aita keteiik, oblystyq Tótenshe jaǵdailar departamentiniń habarlaýynsha, Shyǵys Qazaqstanda qatty aiaz áli birneshe kúnge sozylady.
Budan bólek, QR Indýstriia jáne infraqurylymdyq damý ministrliginiń aqparatyna sáikes, «Almaty-Óskemen» tasjolynyń 558-615 shaqyrymynda, Úsharal qalasy men Shyǵys Qazaqstan oblysynyń shekarasynda, Pavlodar oblysyna qarasty «Omby-Maiqapshaǵai» tasjolynyń 426-587 shaqyrymynda jáne Kenjekól aýyly men Shyǵys Qazaqstan oblysynyń shekarasynda kólik qozǵalysyna tyiym salyndy.
