Foto: Zakon.kz
Shyǵys Qazaqstan oblysynda júzdegen million teńgeni qolma-qol aqshaǵa ainaldyrǵan uiymdasqan toptyń isi sotqa joldandy, dep habarlaidy Ult.kz.
Qarjylyq monitoring agenttiginiń óńirlik departamenti «Ýst-Kamenogorsk inert» JShS atynan jalǵan shot-faktýralar rásimdep kelgen toptyń zańsyz áreketin áshkereledi.
Tergeý derekterine sáikes, kúdiktiler 2023 jyldyń maýsym-qyrkúiek ailary aralyǵynda aýyr tehnikaǵa arnalǵan qosalqy bólshekter jetkizildi degen jalǵan býhgalterlik qujattardy júieli túrde rásimdegen. Osy arqyly olardyń seriktesteri korporativtik tabys salyǵy men qosylǵan qun salyǵyn tóleýden jaltarǵan.
Is barysynda memlekettik kirister basqarmasynyń qyzmetkeri de qylmystyq shemaǵa qatysqany anyqtaldy. Ol salyqtyq tekseristerden esh kedergisiz ótý úshin jalǵan qujattardy rásimdeýge kómektesken.
Tergeý nátijesinde qolma-qol aqshaǵa ainaldyrylǵan qarjy kólemi 356 million teńgege jetkeni belgili boldy. Al memleketke keltirilgen shyǵyn 91 million teńgeden asqan.
Sot sanktsiiasymen kúdiktilerdiń úsh páteri men bir avtokóligine tyiym salyndy. Qazirgi tańda qylmystyq is sotqa joldanǵan.
QR Qylmystyq-protsestik kodeksiniń 201-babyna sáikes ózge málimetter jariia etilmeidi.
Aita keteiik, buǵan deiin Óskemende para bergen máslihat depýtatyna 100 million teńge kóleminde aiyppul salynǵan bolatyn.
