Shyǵys Qazaqstan oblysynda 30 gektar aýmaqqa jaiylǵan órtti sóndirýge poiyzdyń kómegi qajet boldy, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, 27 sáýirde Óskemen qalasyndaǵy Ertis ózeniniń sol jaǵalaýynda shóp janyp jatqany týraly habarlama túsken.
Jeldiń saldarynan órt odan saiyn órship ketti. Oqiǵa ornyna órt sóndirý kóligimen jetý kóp ýaqytty alady.
Sondyqtan jeke quramdy jetkizý úshin qaiyqtar iske qosylǵan.
«Qutqarýshylar qosymsha kúsh retinde «Zashita» stantsiiasynda ornalasqan 11 adamnan turatyn «Qazaqstan temir joly» UK órt sóndirý poiyzyn jumyldyrdy. Olar TJD qyzmetkerlerimen birge qyzyl jalyndy aýyzdyqtaýǵa atsalysty. Ózara is-qimyl men birlesken kúsh-jigerdiń arqasynda 30 gektar aýmaqqa jaiylǵan tilsiz jaý tolyqtai sóndirildi», - dep habarlady vedomstvo ókilderi.
Oqiǵa ornynda barlyǵy 5 tehnika, 2 qaiyq, 24 órt sóndirýshi, «Qazaqstan temir joly» UK órt sóndirý poiyzy men jeke quramnan 11 adam jumys istedi.
