شىعىس قازاقستان وبلىسىندا 30 گەكتار اۋماققا جايىلعان ٶرتتٸ سٶندٸرۋگە پويىزدىڭ كٶمەگٸ قاجەت بولدى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 27 سەۋٸردە ٶسكەمەن قالاسىنداعى ەرتٸس ٶزەنٸنٸڭ سول جاعالاۋىندا شٶپ جانىپ جاتقانى تۋرالى حابارلاما تٷسكەن.
جەلدٸڭ سالدارىنان ٶرت ودان سايىن ٶرشٸپ كەتتٸ. وقيعا ورنىنا ٶرت سٶندٸرۋ كٶلٸگٸمەن جەتۋ كٶپ ۋاقىتتى الادى.
سوندىقتان جەكە قۇرامدى جەتكٸزۋ ٷشٸن قايىقتار ٸسكە قوسىلعان.
«قۇتقارۋشىلار قوسىمشا كٷش رەتٸندە «زاششيتا» ستانتسيياسىندا ورنالاسقان 11 ادامنان تۇراتىن «قازاقستان تەمٸر جولى» ۇك ٶرت سٶندٸرۋ پويىزىن جۇمىلدىردى. ولار تجد قىزمەتكەرلەرٸمەن بٸرگە قىزىل جالىندى اۋىزدىقتاۋعا اتسالىستى. ٶزارا ٸس-قيمىل مەن بٸرلەسكەن كٷش-جٸگەردٸڭ ارقاسىندا 30 گەكتار اۋماققا جايىلعان تٸلسٸز جاۋ تولىقتاي سٶندٸرٸلدٸ», - دەپ حابارلادى ۆەدومستۆو ٶكٸلدەرٸ.
وقيعا ورنىندا بارلىعى 5 تەحنيكا, 2 قايىق, 24 ٶرت سٶندٸرۋشٸ, «قازاقستان تەمٸر جولى» ۇك ٶرت سٶندٸرۋ پويىزى مەن جەكە قۇرامنان 11 ادام جۇمىس ٸستەدٸ.
