Buǵan deiin Shyǵys Qazaqstannyń birneshe aýdanynda ondaǵan aýlaǵa sý kirip, adamdar qaýipsiz orynǵa kóshirilgendigi týraly habarlaǵan bolatynbyz.
«Táýlik ishinde oblys boiynsha 19 úidi, 61 aýla men 6 kósheni sý aldy. Tek Óskemenniń ózinde 13 jer úige, 1 bes qabatty úige sý kirgen» - deidi tótenshe jaǵdailar departamentiniń baspasóz qyzmeti.
Ázirge tasqynnyń zardaptaryn oblys ortalyǵy qatty shegip otyr. Jeke sektormen qosa qala kósheleri de kólkigen sýǵa toldy. Áleýmettik jelige taraǵan videolardan Menovnoe kenti men 19 shaǵyn aýdannyń ortalyq kóshelerinde, Myza kóshesinde kólikterdiń «júzip» júrgenin kórýge bolady. Qar eń kóp túsetin aýdandardyń biri sanalatyn Glýbokoe aýdanynyń eki birdei eldi mekeni qarǵyn sýdan zardap shekti. Beloýsovka kentinde 4 úidi, Jańa Úlbi eldi mekeninde 1 úidi sý alǵan. Al Shemonaiha aýdanynda 33 úidiń aýlasyna sý kirip, deńgeii 20 santimetrge deiin jetken.
Tótenshe jaǵdai mamandary sýdyń jolyn tosý úshin bir táýlik ishinde 61560 qumqap tósep, 3440 tekshme metr sý sorǵan. Olarǵa kómekke ulttyq ulan sarbazdary kómekke keldi. Osy jumystarǵa 36 tehnika jumyldyrylǵan. Óskemendegi «Úlbi» áleýmettik qyzmet ortalǵyn panalaǵandar sany 3 adamǵa jetti.
