kollaj: Tengrinews.kz
Shyǵys Qazaqstan oblysyndaǵy Óskemen-Qumystaý temirjol ýchaskesinde 18 vagon relsten shyǵyp ketti. Bes vagon Ertis ózenine qulaǵan, - dep habarlaidy Tengrinews.kz tilshisi "Qazaqstan temir joly" ulttyq kompaniiasynyń baspasóz qyzmetine silteme jasap.
"3 sáýirde saǵat 12.04-te Shyǵys Qazaqstan oblysynyń Óskemen-Qumystaý temirjol ýchaskesinde júk poiyzynyń 18 vagony relsten shyǵyp ketti. Poiyz saǵatyna 37 shaqyrym jyldamdyqpen kele jatqan. 5 vagon ózenge túsip ketken", - dedi baspasóz qyzmeti.
Rýda tielgen eki vagon Reseidiń menshigi ekeni atap ótildi. Taǵy 16 vagon "QaztsinkTemirTrans" JShS-ne tiesili.
"Zardap shekkender men qaza bolǵandar joq. Jolaýshylar jáne júk poiyzdarynda kidirister joq. Qazirgi ýaqytta qalpyna keltirý jumystary júrgizilip jatyr. Osy oqiǵanyń barlyq sebebi men mán-jaiyn anyqtaý úshin ulttyq kompaniia basshylarynan komissiia quryldy", - dedi QTJ ókilderi.
