Shyǵys Qazaqstan oblysynda qarjy piramidasyn qurý kúdigimen 3 adamnyń ústinen qylmystyq is qozǵalǵan, dep habarlaidy "Ult aqparat".
ShQO boiynsha Ekonomikalyq tergeý departamenti baspasóz qyzmetiniń málimetine súiensek, kúdiktiler WhatsApp messendjeri arqyly toptar quryp, turǵyndarǵa alǵashqy jarnaǵa aqsha quiý arqyly mol tabysqa kenelýge bolatyndyǵyn aityp, aldaǵan.
«Olar «100 myń teńge salsańyz, aqshańyzdy eki aidyń ishinde 200 myń teńge qylyp qaitaramyz» dep ýáde bergen. Qazirgi ýaqytta buǵan senip, shyǵynǵa batqan 113 jábirlenýshi anyqtalyp otyr. Qarjy piramidasynyń júiesi boiynsha alǵashqy bolyp kirgender ǵana paiyzdyq ústeme alǵan. Keiingilerdiń salǵan qarajaty múlde qaitarylmady», - delingen habarlamada.
Osy rette, departament mamandary azamattarǵa qarjy piramidalarynyń qyzmetin júzege asyrǵany jáne jarnamalaǵany úshin qylmystyq jáne ákimshilik jaýapkershilik qarastyrylǵanyn eskertti.
«QR Qylmystyq kodeksiniń 217 babyna sáikes osyndai zańbuzýshylyq jasaǵandar 5 jyldan 10 jylǵa deiin bas bostandyǵynan aiyrylýy múmkin. Eger sizge qarjy piramidasynyń qyzmetine qatysty qandai da bir aqparat belgili bolsa, departamenttiń 8 (7232)-29-56-51 senim telefonyna habarlasýyńdy suraimyz», - delingen vedomstvo aqparatynda.
