Shyǵys Qazaqstan oblysynyń Bas memlekettik sanitariialyq dárigeriniń mindetin atqarýshy 2021 jylǵy 30 qańtardaǵy №3 qaýlysyna kelesi ózgerister engizildi.
Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanaly habarlady.
«Shyǵys Qazaqstan oblysynyń aýmaǵynda shekteý sharalary 2021 jylǵy 14 aqpannan 27 aqpanǵa deiin uzartylady;
meshitterde adam sany 30%-ǵa deiin bolǵanda, biraq 100 adamnan aspaǵan kezde namaz oqýǵa (bes namaz), ujymdasyp qulshylyq etýge ruqsat berilgen. Sondai-aq, syiymdylyǵy 150 adamǵa deiin, toltyrylýy 25%-dan aspaityn aýyldyq jerlerde ornalasqan meshitterde ǵana juma namaz ótkizýge ruqsat berilgen;
oblys turǵyndary maska rejimin ustanýdy jalǵastyrý qajet. Qaýlyda meditsinalyq nemese matadan tigilgen maskalardy durys kiiý talaptary naqty kórsetilgen: maska muryndy, aýyzdy jáne iekti jaýyp, shetteri betke tyǵyz janasýy jáne bekitilýi tiis;
qaita áleýmettendirý jáne beiimdeý ortalyqtaryna, sondai-aq densaýlyq saqtaý uiymdaryna májbúrlep emdeýge túsetin, turǵylyqty jeri joq adamdar COVID-19-ǵa PTR ádisimen zerthanalyq tekserýlerden ótetin bolady»,-delingen habarlamada.
