Shyǵys Qazaqstan oblysynyń ákimdigi Astananyń 20 jyldyq mereitoiyna orai jaryq qoiylǵan mýzykalyq fontan usynady, dep habarlaidy Baq.kz aqparat agenttigi YK-news.kz saityna silteme jasap.
Biyl Astananyń 20 jyldyǵy atalyp ótedi. Elimizdiń óńirleri bul merekeni investitsiialaýǵa at salysady. Osyǵan bailanysty Memleket basshysynyń buiryǵy men merekege daiyndyq jáne ony ótkizýdiń arnaiy jospary da bar.
«Shyǵys Qazaqstan oblysynyń ákimdigi elordaǵa syilyq retinde qurastyrylyp jatqan botanikalyq baq aýmaǵynda jaryq qoiylǵan mýzykalyq fontandy uiymdastyrý boiynsha jumystar júrgizýdi josparlap otyr», - dedi ShQO energetika jáne turǵyn úi-kommýnaldyq sharýashylyq basqarmasy bastyǵynyń orynbasary Alma Qairaqanova.
Alǵashynda obektini Óskemende salynǵan fontannyń úlgisi negizinde salý josparlanǵan, alaida bul usynys Astana ákimdiginiń kóńilinen shyqpaǵan.
«Fontan qurylysynyń boljamdy quny 938,164 mln teńgeni quraidy», - dedi Qairaqanova.
