Sýret: inform.kz
Qazaqstanda 2023 jyly elorda kúnindegi demalys kúnderin uzartý usynyldy. Úkimet qaýlysynyń jobasy "Ashyq NQA" saitynda jariialandy.
Qaýlyda demalys kúnin 2023 jylǵy 1 shildedegi senbiden 2023 jylǵy 7 shildedegi jumaǵa aýystyrý usynylǵan. Osylaisha, demalys kúnderi uzarady.
Túsindirme jazbada bul usynys mereke kúnderi, sondai-aq demalys kúnderi jumys ýaqytyn utymdy paidalaný maqsatynda jasalǵany atap ótilgen. Sonymen qatar, jobany iske asyrý memlekettik biýdjetten qarjy resýrstaryn talap etpeitini jáne jobany qabyldaý teris áleýmettik-ekonomikalyq nemese quqyqtyq saldarlarǵa ákep soqtyrmaityny kórsetilgen.
Demalys kúnderin elorda kúnine uzartý jobasy Eńbek jáne halyqty áleýmettik qorǵaý ministrliginiń bastamasymen kóterilgen. Qujat jobasy 2023 jyldyń 15 naýryzyna deiin qoǵamdyq talqylaýda bolady.
