2021 jyldyń 9 aiynda Qazaqstannyń shikizattyq emes taýar eksporty 14 mlrd dollarǵa jetti. Bul týraly QR Saýda jáne integratsiia ministri Baqyt Sultanov aitty, dep habarlaidy QazAqparat.
«Shikizattyq emes taýarlar men qyzmetter eksportynda oń dinamika baiqalady. Atap aitqanda, 2021 jyldyń 9 aiynyń qorytyndysynda shikizattyq emes taýar eksporty 14 mlrd dollardy qurady. Bul 2020 jyldyń 9 aiymen salystyrǵanda 25,6 paiyzǵa kóp. Osy jyldyń birinshi jartyjyldyǵynda ótken jyldyń dál osyndai kezeńimen salystyrǵanda qyzmetter eksporty 2,4 paiyzǵa artyp, 2,7mlrd dollarǵa jetti», - dedi ministr Senatta ótken Úkimet saǵatynda.
Onyń atap ótýinshe, shikizattyq emes taýarlar eksportynyń artýyna Úkimet júrgizip otyrǵan proaktivti eksporttyq saiasat oń septigin tigizip otyr. Ol shamamen 20 qarjylyq jáne qarjylyq emes quraldy qamtidy.
«Osy jyldyń 9 aiynda 74 eksporttaýshyǵa 119 mlrd teńgeniń jeńildetilgen nesiesi usynyldy. 158 eksporttaýshynyń 5,9 mlrd teńge shyǵysy óteldi. 69 eksporttaýshyǵa 105 mlrd teńgege saqtandyrý qoldaýy kórsetildi. 200-den astam eksporttaýshy konsýltatsiialyq-saraptamalyq qoldaý aldy», - dedi Baqyt Sultanov.
