2021 جىلدىڭ 9 ايىندا قازاقستاننىڭ شيكٸزاتتىق ەمەس تاۋار ەكسپورتى 14 ملرد دوللارعا جەتتٸ. بۇل تۋرالى قر ساۋدا جەنە ينتەگراتسييا مينيسترٸ باقىت سۇلتانوۆ ايتتى, دەپ حابارلايدى قازاقپارات.
«شيكٸزاتتىق ەمەس تاۋارلار مەن قىزمەتتەر ەكسپورتىندا وڭ ديناميكا بايقالادى. اتاپ ايتقاندا, 2021 جىلدىڭ 9 ايىنىڭ قورىتىندىسىندا شيكٸزاتتىق ەمەس تاۋار ەكسپورتى 14 ملرد دوللاردى قۇرادى. بۇل 2020 جىلدىڭ 9 ايىمەن سالىستىرعاندا 25,6 پايىزعا كٶپ. وسى جىلدىڭ بٸرٸنشٸ جارتىجىلدىعىندا ٶتكەن جىلدىڭ دەل وسىنداي كەزەڭٸمەن سالىستىرعاندا قىزمەتتەر ەكسپورتى 2,4 پايىزعا ارتىپ, 2,7ملرد دوللارعا جەتتٸ», - دەدٸ مينيستر سەناتتا ٶتكەن ٷكٸمەت ساعاتىندا.
ونىڭ اتاپ ٶتۋٸنشە, شيكٸزاتتىق ەمەس تاۋارلار ەكسپورتىنىڭ ارتۋىنا ٷكٸمەت جٷرگٸزٸپ وتىرعان پرواكتيۆتٸ ەكسپورتتىق ساياسات وڭ سەپتٸگٸن تيگٸزٸپ وتىر. ول شامامەن 20 قارجىلىق جەنە قارجىلىق ەمەس قۇرالدى قامتيدى.
«وسى جىلدىڭ 9 ايىندا 74 ەكسپورتتاۋشىعا 119 ملرد تەڭگەنٸڭ جەڭٸلدەتٸلگەن نەسيەسٸ ۇسىنىلدى. 158 ەكسپورتتاۋشىنىڭ 5,9 ملرد تەڭگە شىعىسى ٶتەلدٸ. 69 ەكسپورتتاۋشىعا 105 ملرد تەڭگەگە ساقتاندىرۋ قولداۋى كٶرسەتٸلدٸ. 200-دەن استام ەكسپورتتاۋشى كونسۋلتاتسييالىق-ساراپتامالىق قولداۋ الدى», - دەدٸ باقىت سۇلتانوۆ.
