Saýda jáne integratsiia ministri Baqyt Sultanov shikizattyq emes ónim eksporttaýshylaryn qoldaý sharalary týraly aitty, dep habarlaidy QazAqparat.
«Qazirgi kúrdeli jaǵdaida shikizattyq emes eksporttaýshylardy qoldaýdyń proaktivti saiasatyn júrgizýdemiz. Ótken jyly 300-den astam qazaqstandyq kompaniia bizdiń ministrliktiń qoldaýymen sheteldik 50 kórmege qatysyp, 114 mlrd teńgege 63 eksporttyq shartty bekitti», - dedi ministr onlain rejimde halyq aldynda esep berý kezinde.
Onyń sózine qaraǵanda, óńdelgen ónim óndirýshilerine jasalǵan memlekettik qoldaý eki jylda 277 eksportqa negizdelgen kásiporynǵa ózderiniń shyǵyndaryn 6,8 mlrd teńgege tómendetýge múmkindik berdi.
«Osydan únemdelgen qarajatty olar óndiris kólemin arttyrýǵa investitsiialaidy. Eksporttaýshylar jeńildikti nesie men eksporttyq saqtandyrýǵa qol jetkizýde. Tek ótken jyly «QazaqEksport» 100 mlrd teńgege 82 eksporttaýshynyń shartyn saqtandyrdy. Biyl 40 mlrd teńgege 52 eksporttaýshy qamtyldy. Osy jyly kórsetkishterdi byltyrǵy deńgeige jetkizýge niettimiz», - dedi ministr.
