ساۋدا جەنە ينتەگراتسييا مينيسترٸ باقىت سۇلتانوۆ شيكٸزاتتىق ەمەس ٶنٸم ەكسپورتتاۋشىلارىن قولداۋ شارالارى تۋرالى ايتتى, دەپ حابارلايدى قازاقپارات.
«قازٸرگٸ كٷردەلٸ جاعدايدا شيكٸزاتتىق ەمەس ەكسپورتتاۋشىلاردى قولداۋدىڭ پرواكتيۆتٸ ساياساتىن جٷرگٸزۋدەمٸز. ٶتكەن جىلى 300-دەن استام قازاقستاندىق كومپانييا بٸزدٸڭ مينيسترلٸكتٸڭ قولداۋىمەن شەتەلدٸك 50 كٶرمەگە قاتىسىپ, 114 ملرد تەڭگەگە 63 ەكسپورتتىق شارتتى بەكٸتتٸ», - دەدٸ مينيستر ونلاين رەجيمدە حالىق الدىندا ەسەپ بەرۋ كەزٸندە.
ونىڭ سٶزٸنە قاراعاندا, ٶڭدەلگەن ٶنٸم ٶندٸرۋشٸلەرٸنە جاسالعان مەملەكەتتٸك قولداۋ ەكٸ جىلدا 277 ەكسپورتقا نەگٸزدەلگەن كەسٸپورىنعا ٶزدەرٸنٸڭ شىعىندارىن 6,8 ملرد تەڭگەگە تٶمەندەتۋگە مٷمكٸندٸك بەردٸ.
«وسىدان ٷنەمدەلگەن قاراجاتتى ولار ٶندٸرٸس كٶلەمٸن ارتتىرۋعا ينۆەستيتسييالايدى. ەكسپورتتاۋشىلار جەڭٸلدٸكتٸ نەسيە مەن ەكسپورتتىق ساقتاندىرۋعا قول جەتكٸزۋدە. تەك ٶتكەن جىلى «قازاقەكسپورت» 100 ملرد تەڭگەگە 82 ەكسپورتتاۋشىنىڭ شارتىن ساقتاندىردى. بيىل 40 ملرد تەڭگەگە 52 ەكسپورتتاۋشى قامتىلدى. وسى جىلى كٶرسەتكٸشتەردٸ بىلتىرعى دەڭگەيگە جەتكٸزۋگە نيەتتٸمٸز», - دەدٸ مينيستر.
