QR Parlamenti Májilisiniń depýtaty Nurjan Áltaev importqa táýeldilikti azaityp, otandyq ónim kólemin arttyrý máselesin kóterdi, dep habarlaidy QazAqparat.
«Koronavirýs indeti búkil álemdi ózine qaratqan tarihi oqiǵa bolyp tur. Ol adam shyǵyny men qatar ekonomikaǵa óz zardabyn tigizýde. Pandemiia kezinde kóptegen elderdiń ekonomikalyq problemalary aiqyndala bastady, onyń ishinde bizdiń elde bar. Iaǵni, karantin men tótenshe jaǵdai eldegi problemalardy kórsetip berdi. Pandemiia el ekonomikasyna keri áserin tigizdi. Árine ol problemalar pandemiianyń kezinde ǵana paida bolǵan, burynnan bar tek pandemiia kezinde ol údeie tústi. Al bizdiń ekonomikamyzdyń alǵashqy problemasy onyń shikizat jáne munai resýrstaryna táýeldiligi. Biz únemi shikizat qoryna úmit artyp otyrmaýymyz kerek, ónimderdi ózimiz óndirýimiz qajet. Eldi qarapaiym zatpen qamtamasyz etý úshin ony shetelden satyp alamyz. Biz endigi ýaqytta ózimiz óndirýimiz qajet, sebebi pandemiia kezinde shekaralar jabylyp qajetti dúnie tapshylyǵyn kórdik», - dedi Nurjan Áltaev QR Sybailas jemqorlyqqa qarsy qyzmeti agenttiginde ótken onlain konferentsiia barysynda.
Halyq qalaýlysynyń pikirinshe, aldymen ulttyq ekonomikanyń qaýipsizdigin qamtamasyz etýimiz qajet.
«Biz óndiris qaýipsizdigin qamtamasyz ete otyryp, aldymen elge qajetti degen ónimderdi shyǵarýymyz tiis. Pandemiia kezindegi ekinshi másele ol jemqorlyq pen ashkózdik. Tótenshe jaǵdai kezinde birigip el bolýdyń ornyna keibir monopoliialyq uiymdar baǵany kóterip, qoldan tapshylyq jasady. Bunyń artynda sybailas jemqorlyq tur. Jáne bul suraq ekonomikaǵa tikelei qatysty», - dedi ol.
