Shieli aýdany, Qodamanov aýylynda memlekettik-jekemenshik áriptestik aiasynda sporttyq-saýyqtyrý kesheni salyndy.
Qyzylorda oblysynyń ákimi Qyrymbek Kósherbaev nysannyń ashylý saltanatyna qatysty.
«Ult kóshbasshysy N.Á.Nazarbaevtyń sarabdal saiasatynyń arqasynda bizdiń elimizde sportqa airyqsha kóńil bólinip, atalǵan sala jan-jaqty damyp keledi. Oblysta sporttyq infraqurylymdardy damytýǵa zor kóńil bólinýde. Zamanaýi sport alańdary, stadiondar, dene shynyqtyrý jəne saýyqtyrý alańdary salynýda. Bul baǵytta Shieli aýdanynyń jetistikteri ózgelerge úlgi bolarlyqtai. Byltyr Shieli aýdanynda memlekettik-jekemenshik áriptestik aiasynda Aqmaia aýylynda sport kesheni paidalanýǵa berilse, biyl Alǵabas jáne Eńbekshi aýylynda da sport kesheni iske qosyldy. Sonymen birge, Kerdeli, Jólek jáne Bestam aýyldyq okrýgterinde memlekettik-jekemenshik áriptestik aiasynda sporttyq saýyqtyrý keshenderiniń qurylysy júrgizilýde»,-dedi aimaq basshysy.
Sondai-aq, aýdan ortalyǵynda jabyq júzý basseininiń qurylysy aiaqtaldy. Jaqynda osyndai nysan Gigant aýyldyq okrýginde de salynǵan edi.
Sh.Qodamanov aýylyndaǵy sport kesheniniń qurylysy aǵymdaǵy jyldyń mamyr aiynda bastalǵan bolatyn, qurylystyń bas merdigeri – «Tóńkeris-K» JShS. Zamanaýi keshende boks, kúres, voleibol, kishi fýtbol úiirmeleri jumys jasaityn bolady. Turǵyndarǵa arnalǵan atletika zaly bar, keshki ýaqytta aýyl turǵyndaryn buqaralyq sportqa tartý josparlanyp otyr.
Aita keteiik, sońǵy jyldary oblysta 9 sport kesheni paidalanýǵa berildi. Byltyr oblystyq biýdjetten 7 eldimekendegi sport kesheniniń qurylysyna qarjy bólindi.
