شيەلٸ اۋدانى, قودامانوۆ اۋىلىندا مەملەكەتتٸك-جەكەمەنشٸك ەرٸپتەستٸك اياسىندا سپورتتىق-ساۋىقتىرۋ كەشەنٸ سالىندى.
قىزىلوردا وبلىسىنىڭ ەكٸمٸ قىرىمبەك كٶشەرباەۆ نىساننىڭ اشىلۋ سالتاناتىنا قاتىستى.
«ۇلت كٶشباسشىسى ن.ە.نازارباەۆتىڭ سارابدال ساياساتىنىڭ ارقاسىندا بٸزدٸڭ ەلٸمٸزدە سپورتقا ايرىقشا كٶڭٸل بٶلٸنٸپ, اتالعان سالا جان-جاقتى دامىپ كەلەدٸ. وبلىستا سپورتتىق ينفراقۇرىلىمداردى دامىتۋعا زور كٶڭٸل بٶلٸنۋدە. زاماناۋي سپورت الاڭدارى, ستاديوندار, دەنە شىنىقتىرۋ جəنە ساۋىقتىرۋ الاڭدارى سالىنۋدا. بۇل باعىتتا شيەلٸ اۋدانىنىڭ جەتٸستٸكتەرٸ ٶزگەلەرگە ٷلگٸ بولارلىقتاي. بىلتىر شيەلٸ اۋدانىندا مەملەكەتتٸك-جەكەمەنشٸك ەرٸپتەستٸك اياسىندا اقمايا اۋىلىندا سپورت كەشەنٸ پايدالانۋعا بەرٸلسە, بيىل العاباس جەنە ەڭبەكشٸ اۋىلىندا دا سپورت كەشەنٸ ٸسكە قوسىلدى. سونىمەن بٸرگە, كەردەلٸ, جٶلەك جەنە بەستام اۋىلدىق وكرۋگتەرٸندە مەملەكەتتٸك-جەكەمەنشٸك ەرٸپتەستٸك اياسىندا سپورتتىق ساۋىقتىرۋ كەشەندەرٸنٸڭ قۇرىلىسى جٷرگٸزٸلۋدە»,-دەدٸ ايماق باسشىسى.
سونداي-اق, اۋدان ورتالىعىندا جابىق جٷزۋ باسسەينٸنٸڭ قۇرىلىسى اياقتالدى. جاقىندا وسىنداي نىسان گيگانت اۋىلدىق وكرۋگٸندە دە سالىنعان ەدٸ.
ش.قودامانوۆ اۋىلىنداعى سپورت كەشەنٸنٸڭ قۇرىلىسى اعىمداعى جىلدىڭ مامىر ايىندا باستالعان بولاتىن, قۇرىلىستىڭ باس مەردٸگەرٸ – «تٶڭكەرٸس-ك» جشس. زاماناۋي كەشەندە بوكس, كٷرەس, ۆولەيبول, كٸشٸ فۋتبول ٷيٸرمەلەرٸ جۇمىس جاسايتىن بولادى. تۇرعىندارعا ارنالعان اتلەتيكا زالى بار, كەشكٸ ۋاقىتتا اۋىل تۇرعىندارىن بۇقارالىق سپورتقا تارتۋ جوسپارلانىپ وتىر.
ايتا كەتەيٸك, سوڭعى جىلدارى وبلىستا 9 سپورت كەشەنٸ پايدالانۋعا بەرٸلدٸ. بىلتىر وبلىستىق بيۋدجەتتەن 7 ەلدٸمەكەندەگٸ سپورت كەشەنٸنٸڭ قۇرىلىسىنا قارجى بٶلٸندٸ.
