Indýstriia jáne infraqurylymdyq damý ministri Qaiyrbek Óskenbaev kelesi jyldan bastap sheteldik loýkosterlerdi tartýdyń arqasynda bilet baǵasy tómendeitinin málimdedi, dep habarlaidy Sputnik Qazaqstan.
Qazirgi kezde ministrlik iri sheteldik loýkosterlermen kelissózder júrgizip jatyr.
"Bizde ulttyq operator jumys isteitin segment bar. Sosyn loýkosterler segmenti bar. Dál qazir biz iri loýkosterlermen jumys istep jatyrmyz. Qai kompaniia ekenin aitpai-aq qoiaiyn. Biraq olarǵa "ashyq aspan" aiasynda jolaýshylardy alyp ketýge ruqsat beremiz. Mysaly, bir jaqtan keledi de, Túrkiiaǵa nemese Eýropaǵa alyp ketedi. Ondaida bilet baǵasy ájeptáýir arzan bolady. Sebebi loýkosterdiń qyzmeti paidalanylady, ony kelesi jyldan bastaýdy josparlap otyrmyz", - dedi Óskenbaev jýrnalisterge bergen suhbatynda.
Ministrdiń aitýynsha, loýkosterdiń qyzmet deńgeii basqasha bolady. Biraq Qazaqstan arqyly álem boiynsha tanymal iri loýkosterler ushady.
Aita keteri, loýkoster men áýe kompaniiasynyń basty aiyrmashylyǵy sol, baǵa ártúrli bolady.
