13 qazanda UQK Shekara qyzmeti Almaty qalasynyń prokýratýrasymen birge Qazaqstan aýmaǵy arqyly Aýǵanstan azamattaryn zańsyz ótkizý arnasynyń jolyn kesti, dep habarlaidy "Ult aqparat" vedomstvonyń baspasóz qyzmetine silteme jasap.
"UQK Shekara qyzmeti «Boran» arnaiy bólimshesin qoldana otyryp ótkizgen jedel-izdestirý is-sharalary barysynda Orta Aziia elderiniń biriniń jalǵan tólqujatyn usynǵan sheteldik azamatty 1,5 myń AQSh dollary somasyndaǵy aqshany alý kezinde ustady.
Ótkizilgen tintýdiń nátijesinde birneshe qazaqstandyq uiymdardyń mórleri, 20 aýǵandyq tólqujat, týý týraly kýálikter men QR azamattyǵy men elde turýǵa yqtiiar hat alýǵa, tirkelýge jáne elde bolý merzimin uzartýǵa negiz bolatyn basqa da qujattar alyndy" - delingen habarlamada.
Atalǵan fakt qylmystyq belgileri boiynsha sotqa deiingi tergep-tekserýlerdiń biryńǵai tizilimine QR QK 394-baby 1-bóligi (Zańsyz kóshi-qondy uiymdastyrý) boiynsha tirkelgen.
Ustalǵan adam Almaty qalasy Politsiia departamentiniń ýaqytsha ustaý izoliatoryna qamaldy.
