13 قازاندا ۇقك شەكارا قىزمەتٸ الماتى قالاسىنىڭ پروكۋراتۋراسىمەن بٸرگە قازاقستان اۋماعى ارقىلى اۋعانستان ازاماتتارىن زاڭسىز ٶتكٸزۋ ارناسىنىڭ جولىن كەستٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"ۇقك شەكارا قىزمەتٸ «بوران» ارنايى بٶلٸمشەسٸن قولدانا وتىرىپ ٶتكٸزگەن جەدەل-ٸزدەستٸرۋ ٸس-شارالارى بارىسىندا ورتا ازييا ەلدەرٸنٸڭ بٸرٸنٸڭ جالعان تٶلقۇجاتىن ۇسىنعان شەتەلدٸك ازاماتتى 1,5 مىڭ اقش دوللارى سوماسىنداعى اقشانى الۋ كەزٸندە ۇستادى.
ٶتكٸزٸلگەن تٸنتۋدٸڭ نەتيجەسٸندە بٸرنەشە قازاقستاندىق ۇيىمداردىڭ مٶرلەرٸ, 20 اۋعاندىق تٶلقۇجات, تۋۋ تۋرالى كۋەلٸكتەر مەن قر ازاماتتىعى مەن ەلدە تۇرۋعا ىقتييار حات الۋعا, تٸركەلۋگە جەنە ەلدە بولۋ مەرزٸمٸن ۇزارتۋعا نەگٸز بولاتىن باسقا دا قۇجاتتار الىندى" - دەلٸنگەن حابارلامادا.
اتالعان فاكت قىلمىستىق بەلگٸلەرٸ بويىنشا سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸزٸلٸمٸنە قر قك 394-بابى 1-بٶلٸگٸ (زاڭسىز كٶشٸ-قوندى ۇيىمداستىرۋ) بويىنشا تٸركەلگەن.
ۇستالعان ادام الماتى قالاسى پوليتسييا دەپارتامەنتٸنٸڭ ۋاقىتشا ۇستاۋ يزولياتورىنا قامالدى.
