QR aýmaǵynda koronovirýs infektsiiasynyń paida bolýy men taralaýyna jol bermeý jónindegi vedomstvoaralyq komissiia elimizde ýaqysha bolatyn sheteldikterdiń mártebesin zańdastyrdy, dep habarlaidy QazAqparat.
«IIM turaqty negizde elimizdegi kóshi-qon ahýalyn monitoringteidi. Osy saladaǵy negizgi tapsyrma – sheteldikterdiń Qazaqstan Respýblikasynyń zańnamasyn saqtaýyn jáne ruqsat etilgen merzimi aiaqtalǵan soń olardyń elden shyǵýyn baqylaý. Sonymen birge, koronovirýs pandemiiasy Qazaqstanǵa keletin sheteldikterdiń ómir salty men josparyna birqatar túzetý engizdi. Tikelei kólik qatynasynyń bolmaýy tranzittik sapar úshin shekaralardy jabý, aviabiletter qunynyń ósýi faktileri kóptegen sheteldikterdiń Qazaqstannan belgilengen merzimde shyǵýyna múmkindik bermeidi. Qalyptasqan jaǵdaidy eskere otyryp, QR aýmaǵynda koronovirýs infektsiiasynyń paida bolýy men taralaýyna jol bermeý jónindegi vedomstvoaralyq komissiia sheshim qabyldap, elimizde ýaqysha bolatyn sheteldikterdiń mártebesin zańdastyrýǵa jáne Qazaqstanda zańnamany buzbaýǵa múmkindik beredi», - dedi QR IIM Kóshi-qon qyzmeti komiteti tóraǵasynyń orynbasary Sabyrjan Seiitjanov QR IIM uiymdastyrǵan onlain brifingte.
Spikerdiń aitýynsha, negizgi aktsent otbasymen qaýyshýǵa kelgen sheteldikterge, qujattarynyń jaramdylyq merzimi ótken azamattarǵa jáne eńbek migranttaryna jasalǵan.
Jol júrý qujattarynyń, sheteldiktiń elde turý yqtiiarhatynyń, Qazaqstan Respýblikasynyń vizalarynyń, elde ýaqytsha bolýdyń ruqsat etilgen merzimi ótip ketken nemese merzimi 2021 jylǵy 5 maýsymǵa deiin aiaqtalatyn sheteldikter men azamattyǵy joq adamdar ákimshilik jaýapkershilikke tartylmai, elden shyǵýyna ruqsat berildi.
Sheteldikterdiń azamattyǵy bar elimen nemese turaqty turatyn elmen tikelei kóliktik qatynastar (avia, avto jáne temir jol qatynastary, jaiaý) jáne tranzittik jol júrý bolmaǵan jaǵdaida sheteldikterdi jáne azamattyǵy joq adamdardy elden shyǵarý týraly sot sheshimi merziminiń oryndalýy toqtatyldy.
«Sheteldikterdiń elde bolý merzimi (vizalar, ýaqytsha turýǵa ruqsattar) 2021 jyldyń 5 maýsymyna deiin uzartylady. Eńbek etýge ruqsat nemese ózdiginen jumysqa turýǵa arnalǵan biliktilik týraly jergilikti atqarýshy organ bergen anyqtamasy barlarǵa viza men ýaqytsha turýǵa yqtiiarhat sheteldiktiń nemese azamattyǵy joq adamnyń elge kelý maqsatyn talap etpei-aq beriledi. QR aýmaǵyndaǵy otbasymen qaýyshý maqsatymen júrgen jáne azamattyq elinen qujattardy usyna almaityndarǵa viza sheteldiktiń nemese azamattyǵy joq adamnyń elge kelý maqsatynyń talap etpei beriledi», - dep túsindirdi S. Seiitjanov.
Ruqsat berý, uzartý, qaita resimdeý týraly ótinishpen júgingen eńbek immigrantyna «Kóshi-qon týraly» QR Zańynyń 43-1-baby 2-tarmaǵynyń talaptaryn eskerýsiz rásimdeledi (Eńbek immigrantynyń QR aýmaǵynda úzdiksiz ýaqytsha maksimaldy turý merzimi on eki aidan aspaýy tiis).
«Bul rette Qazaqstandaǵy ruqsat qujattarynyń merzimi ótken nemese ótip bara jatqan sheteldik azamattar quzyretti organdardaǵy óz quqyqtyq mártebesin ýaqytyly rettestirý úshin kóshi-qon qyzmetine júginýleri qajet. 2021 jyldyń 1 qańtarynan 5 maýsymyna deiingi kezeńde quqyqtyq mártebelerin zań júzinde rettemegen sheteldikterdiń quqyqtyq jaýapkershilikten bosatylmaitynyn eskertemiz», - dedi Sabyrjan Seiitjanov.
