Sheteldikterge Qazaqstanda turaqty turýǵa ruqsat berý úshin 4 AEK mólsherinde memlekettik baj salyǵy engizilmek. Bul týraly Parlament Májilisinde kóshi-qon protsesterin retteý máseleleri boiynsha ózgerister engizý týraly zań jobasy tanystyrý barysynda QR Eńbek jáne halyqty áleýmettik qorǵaý vitse-ministri Aqmádi Sarbasov málim etti, dep habarlaidy QazAqparat.
«Kóshi-qon protsesteriniń quqyqtyq bazasyn keńeitý jáne zańsyz kóshi-qonǵa jol bermeý maqsatynda tiisti usynystar qamtyldy. Birinshiden, sheteldikterge turaqty turýǵa ruqsat berý úshin 4 ailyq eseptik kórsetkish mólsherinde memlekettik baj salyǵyn engizý eskerilgen. Ekinshiden, ulttyq zańnamada readmissiiaǵa arnalǵan quqyqtyq negizderdiń joqtyǵynan, ulttyq zańnamaǵa readmissiia týraly halyqaralyq erejelerdi engizý usynylady», - dedi vitse-ministr.
Sonymen qatar, atqarýshylyq is júrgizý boiynsha bereshegi bar adamdardyń ketýine shekteýler kózdelgen tolyqtyrýlar engizý de qarastyrylǵan.
Sondai-aq, Úkimettiń sheteldik jumys kúshin (ShJK) tartýǵa arnalǵan kvotany belgileý qyzmetin halyqty jumyspen qamtý máseleleri jónindegi ýákiletti organǵa berý usynylady.
Aqmádi Sarbasovtyń sózine qaraǵanda, syrtqy eńbek kóshi-qony salasyndaǵy zańnama tiisti ózgerister men tolyqtyrýlarǵa áser etti.
«Birinshiden, el ekonomikasyna shetel investitsiialaryn tartý protsesine jumyldyrylǵan jumys berýshiler men investorlardyń qajettiligine jedel den qoiý úshin, Úkimettiń sheteldik jumys kúshin (ShJK) tartýǵa arnalǵan kvotany belgileý jónindegi fýnktsiialaryn halyqty jumyspen qamtý máseleleri jónindegi ýákiletti organǵa berý usynylady. Ekinshiden, ekonomikalyq qyzmet túrlerin alyp tastap, sheteldik jumys kúshin tartýǵa kvotalardy belgileý kezinde sanattar boiynsha bólý usynylady», - dedi vitse-ministr.
Úshinshiden, sheteldik jumys kúshin tartý rásimin jetildirý jáne investorlar úshin qolaily jaǵdailar jasaý maqsatynda sheteldik jumys kúshin tartýǵa ruqsattyń áreketin basqa ákimshilik-aýmaqtyq birlikterge taratý kózdelip otyr. Bul rette jumys berýshi ruqsatta kórsetilgen árbir óńirdiń biýdjetine salyq alymyn tóleýge, sondai-aq tiisti óńirlerde jumystardy oryndaý jáne qyzmetterdi kórsetý týraly sharty bolýǵa tiis.
«Tórtinshiden, qoldanystaǵy zańnamaǵa sáikes, bizdiń Ministrlik arqyly beriletin biliktiliginiń sáikestigi týraly anyqtamasy boiynsha joǵary bilikti sheteldikter óz betinshe jumysqa ornalasa alady. Sońǵy 3 jylda barlyǵy 11 adam ótinish bildirip, tiisti anyqtamalar alǵan. Osyǵan bailanysty, bul quzyretti jergilikti atqarýshy organdardyń deńgeiine berý usynylady. Besinshiden, shaǵyn kásipkerlik sýbektileri eńbekshi kóship kelýshilerdi tiisti ruqsat almai zańsyz qyzmetke tartý faktileriniń kóp kezdesýine bailanysty, aiyna 8 AEK salyq alymdaryn tóleý arqyly ShJK-ny tartýdyń qoldanystaǵy tetigine sáikes, eńbekshi kóship kelýshilerdi «maýsymdyq jumysshylarǵa» teńestirýdi usynamyz. Bul rette, maýsymdyq jumysshylarǵa jumysqa qabyldanýy úshin kásipter tizbesi anyqtalady», - dedi A. Sarbasov.
