شەتەلدٸكتەرگە قازاقستاندا تۇراقتى تۇرۋعا رۇقسات بەرۋ ٷشٸن 4 اەك مٶلشەرٸندە مەملەكەتتٸك باج سالىعى ەنگٸزٸلمەك. بۇل تۋرالى پارلامەنت مەجٸلٸسٸندە كٶشٸ-قون پروتسەستەرٸن رەتتەۋ مەسەلەلەرٸ بويىنشا ٶزگەرٸستەر ەنگٸزۋ تۋرالى زاڭ جوباسى تانىستىرۋ بارىسىندا قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ اقمەدي سارباسوۆ مەلٸم ەتتٸ, دەپ حابارلايدى قازاقپارات.
«كٶشٸ-قون پروتسەستەرٸنٸڭ قۇقىقتىق بازاسىن كەڭەيتۋ جەنە زاڭسىز كٶشٸ-قونعا جول بەرمەۋ ماقساتىندا تيٸستٸ ۇسىنىستار قامتىلدى. بٸرٸنشٸدەن, شەتەلدٸكتەرگە تۇراقتى تۇرۋعا رۇقسات بەرۋ ٷشٸن 4 ايلىق ەسەپتٸك كٶرسەتكٸش مٶلشەرٸندە مەملەكەتتٸك باج سالىعىن ەنگٸزۋ ەسكەرٸلگەن. ەكٸنشٸدەن, ۇلتتىق زاڭنامادا رەادميسسيياعا ارنالعان قۇقىقتىق نەگٸزدەردٸڭ جوقتىعىنان, ۇلتتىق زاڭناماعا رەادميسسييا تۋرالى حالىقارالىق ەرەجەلەردٸ ەنگٸزۋ ۇسىنىلادى», - دەدٸ ۆيتسە-مينيستر.
سونىمەن قاتار, اتقارۋشىلىق ٸس جٷرگٸزۋ بويىنشا بەرەشەگٸ بار ادامداردىڭ كەتۋٸنە شەكتەۋلەر كٶزدەلگەن تولىقتىرۋلار ەنگٸزۋ دە قاراستىرىلعان.
سونداي-اق, ٷكٸمەتتٸڭ شەتەلدٸك جۇمىس كٷشٸن (شجك) تارتۋعا ارنالعان كۆوتانى بەلگٸلەۋ قىزمەتٸن حالىقتى جۇمىسپەن قامتۋ مەسەلەلەرٸ جٶنٸندەگٸ ۋەكٸلەتتٸ ورگانعا بەرۋ ۇسىنىلادى.
اقمەدي سارباسوۆتىڭ سٶزٸنە قاراعاندا, سىرتقى ەڭبەك كٶشٸ-قونى سالاسىنداعى زاڭناما تيٸستٸ ٶزگەرٸستەر مەن تولىقتىرۋلارعا ەسەر ەتتٸ.
«بٸرٸنشٸدەن, ەل ەكونوميكاسىنا شەتەل ينۆەستيتسييالارىن تارتۋ پروتسەسٸنە جۇمىلدىرىلعان جۇمىس بەرۋشٸلەر مەن ينۆەستورلاردىڭ قاجەتتٸلٸگٸنە جەدەل دەن قويۋ ٷشٸن, ٷكٸمەتتٸڭ شەتەلدٸك جۇمىس كٷشٸن (شجك) تارتۋعا ارنالعان كۆوتانى بەلگٸلەۋ جٶنٸندەگٸ فۋنكتسييالارىن حالىقتى جۇمىسپەن قامتۋ مەسەلەلەرٸ جٶنٸندەگٸ ۋەكٸلەتتٸ ورگانعا بەرۋ ۇسىنىلادى. ەكٸنشٸدەن, ەكونوميكالىق قىزمەت تٷرلەرٸن الىپ تاستاپ, شەتەلدٸك جۇمىس كٷشٸن تارتۋعا كۆوتالاردى بەلگٸلەۋ كەزٸندە ساناتتار بويىنشا بٶلۋ ۇسىنىلادى», - دەدٸ ۆيتسە-مينيستر.
ٷشٸنشٸدەن, شەتەلدٸك جۇمىس كٷشٸن تارتۋ رەسٸمٸن جەتٸلدٸرۋ جەنە ينۆەستورلار ٷشٸن قولايلى جاعدايلار جاساۋ ماقساتىندا شەتەلدٸك جۇمىس كٷشٸن تارتۋعا رۇقساتتىڭ ەرەكەتٸن باسقا ەكٸمشٸلٸك-اۋماقتىق بٸرلٸكتەرگە تاراتۋ كٶزدەلٸپ وتىر. بۇل رەتتە جۇمىس بەرۋشٸ رۇقساتتا كٶرسەتٸلگەن ەربٸر ٶڭٸردٸڭ بيۋدجەتٸنە سالىق الىمىن تٶلەۋگە, سونداي-اق تيٸستٸ ٶڭٸرلەردە جۇمىستاردى ورىنداۋ جەنە قىزمەتتەردٸ كٶرسەتۋ تۋرالى شارتى بولۋعا تيٸس.
«تٶرتٸنشٸدەن, قولدانىستاعى زاڭناماعا سەيكەس, بٸزدٸڭ مينيسترلٸك ارقىلى بەرٸلەتٸن بٸلٸكتٸلٸگٸنٸڭ سەيكەستٸگٸ تۋرالى انىقتاماسى بويىنشا جوعارى بٸلٸكتٸ شەتەلدٸكتەر ٶز بەتٸنشە جۇمىسقا ورنالاسا الادى. سوڭعى 3 جىلدا بارلىعى 11 ادام ٶتٸنٸش بٸلدٸرٸپ, تيٸستٸ انىقتامالار العان. وسىعان بايلانىستى, بۇل قۇزىرەتتٸ جەرگٸلٸكتٸ اتقارۋشى ورگانداردىڭ دەڭگەيٸنە بەرۋ ۇسىنىلادى. بەسٸنشٸدەن, شاعىن كەسٸپكەرلٸك سۋبەكتٸلەرٸ ەڭبەكشٸ كٶشٸپ كەلۋشٸلەردٸ تيٸستٸ رۇقسات الماي زاڭسىز قىزمەتكە تارتۋ فاكتٸلەرٸنٸڭ كٶپ كەزدەسۋٸنە بايلانىستى, ايىنا 8 اەك سالىق الىمدارىن تٶلەۋ ارقىلى شجك-نى تارتۋدىڭ قولدانىستاعى تەتٸگٸنە سەيكەس, ەڭبەكشٸ كٶشٸپ كەلۋشٸلەردٸ «ماۋسىمدىق جۇمىسشىلارعا» تەڭەستٸرۋدٸ ۇسىنامىز. بۇل رەتتە, ماۋسىمدىق جۇمىسشىلارعا جۇمىسقا قابىلدانۋى ٷشٸن كەسٸپتەر تٸزبەسٸ انىقتالادى», - دەدٸ ا. سارباسوۆ.
