Foto: polisia.kz
Tergeý barysynda bes adamnan turatyn top qylmysty aldyn ala muqiiat josparlaǵany anyqtaldy. Qaskóiler lombardtyń kiltin alyp, ondaǵy qyzmetker túski úziliske shyqqan sátti kútken. Odan soń olar ishke kirip, jalpy quny 45 million teńge bolatyn 654 altyn buiymdy, sondai-aq kassadan bir jarym million teńgeden astam aqshany urlap ketken.
Polisia.kz-tiń málimetinshe, kúdiktiler oqiǵa ornynan izin sýytyp, eldiń batys aimaǵyna qashqan.
Jedel-izdestirý is-sharalarynyń nátijesinde politseiler kúdiktilerdi Oral qalasyndaǵy úilerdiń biriniń aýlasynda ustady, onda olar turǵyn úidi jalǵa alýǵa tyrysqan. Kúdiktilerdiń basqa eldiń azamattary ekendigi anyqtaldy.
Qazirgi ýaqytta olar qamaýda otyr. Osy fakti boiynsha sotqa deiingi tergeý júrgizilip jatyr.
Eske salsaq, Astanada memleketaralyq izdeýde júrgen eki qylmysker ustalǵany týraly habarlaǵan bolatynbyz.
