فوتو: polisia.kz
تەرگەۋ بارىسىندا بەس ادامنان تۇراتىن توپ قىلمىستى الدىن الا مۇقييات جوسپارلاعانى انىقتالدى. قاسكٶيلەر لومباردتىڭ كٸلتٸن الىپ, ونداعى قىزمەتكەر تٷسكٸ ٷزٸلٸسكە شىققان سەتتٸ كٷتكەن. ودان سوڭ ولار ٸشكە كٸرٸپ, جالپى قۇنى 45 ميلليون تەڭگە بولاتىن 654 التىن بۇيىمدى, سونداي-اق كاسسادان بٸر جارىم ميلليون تەڭگەدەن استام اقشانى ۇرلاپ كەتكەن.
Polisia.kz-تٸڭ مەلٸمەتٸنشە, كٷدٸكتٸلەر وقيعا ورنىنان ٸزٸن سۋىتىپ, ەلدٸڭ باتىس ايماعىنا قاشقان.
جەدەل-ٸزدەستٸرۋ ٸس-شارالارىنىڭ نەتيجەسٸندە پوليتسەيلەر كٷدٸكتٸلەردٸ ورال قالاسىنداعى ٷيلەردٸڭ بٸرٸنٸڭ اۋلاسىندا ۇستادى, وندا ولار تۇرعىن ٷيدٸ جالعا الۋعا تىرىسقان. كٷدٸكتٸلەردٸڭ باسقا ەلدٸڭ ازاماتتارى ەكەندٸگٸ انىقتالدى.
قازٸرگٸ ۋاقىتتا ولار قاماۋدا وتىر. وسى فاكتٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
ەسكە سالساق, استانادا مەملەكەتارالىق ٸزدەۋدە جٷرگەن ەكٸ قىلمىسكەر ۇستالعانى تۋرالى حابارلاعان بولاتىنبىز.
