.png)
Foto: Gov.kz
2025 jylǵy 1 qazandaǵy málimet boiynsha, jergilikti atqarýshy organdardyń ruqsatymen Qazaqstan aýmaǵynda 14 666 shetel azamaty jumys isteidi, dep habarlaidy Ult.kz Eńbek jáne halyqty áleýmettik qorǵaý ministrligine silteme jasap.
Sheteldik jumys kúshiniń basym bóligi mamandar men bilikti jumysshylar sanatynda (úshinshi jáne tórtinshi sanattar) — tiisinshe 3 884 jáne 988 adam. Sonymen qatar 561 adam – basshylar men olardyń orynbasarlary, 2 280 adam – qurylymdyq bólimshe basshylary, 3 036 adam – maýsymdyq jumystarǵa tartylǵan, al 3 918 qyzmetker korporativtik aýystyrý arqyly kelgen.
Qazirgi tańda elde sheteldik jumys kúshin paidalanatyn 1 896 jumys berýshi bar. Bul kásiporyndarda jalpy 339 myńnan astam qazaqstandyq eńbek etedi, iaǵni qyzmetkerlerdiń 96%-y – otandyq mamandar.
Salalar boiynsha eń kóp sheteldik qyzmetkerler:
🔹 qurylys salasynda – 4 799 adam,
🔹 aýyl, orman jáne balyq sharýashylyǵynda – 3 065 adam,
🔹 taý-ken ónerkásibinde – 1 187 adam,
🔹 óńdeý ónerkásibinde – 1 085 adam.
Eńbek migranttarynyń basym bóligi keletin elder:
- - Qytai – 5 330 adam
- Ózbekstan – 2 682 adam
- Túrkiia – 1 046 adam
- Úndistan – 1 012 adam
Ministrliktiń málimetinshe, ishki eńbek naryǵyn qorǵaý úshin sheteldik mamandardy tartýǵa jyl saiyn kvota belgilenedi. 2025 jylǵa arnalǵan jalpy kvota jumys kúshiniń 0,25%-yn nemese 19,4 myń adamdy quraidy.
Bul sheshim maýsymdyq jumysshylarǵa arnalǵan kásipter tizbesiniń keńeiýine jáne óńirlerden túsken suranystyń artýyna bailanysty qabyldanǵan.
