شەتەلدٸك جۇمىس كٷشٸ: قازاقستاندا كٸمدەر جەنە قاي سالالاردا ەڭبەك ەتۋدە?

فوتو: Gov.kz

2025 جىلعى 1 قازانداعى مەلٸمەت بويىنشا, جەرگٸلٸكتٸ اتقارۋشى ورگانداردىڭ رۇقساتىمەن قازاقستان اۋماعىندا 14 666 شەتەل ازاماتى جۇمىس ٸستەيدٸ, دەپ حابارلايدى Ult.kz ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە سٸلتەمە جاساپ.

شەتەلدٸك جۇمىس كٷشٸنٸڭ باسىم بٶلٸگٸ ماماندار مەن بٸلٸكتٸ جۇمىسشىلار ساناتىندا (ٷشٸنشٸ جەنە تٶرتٸنشٸ ساناتتار) — تيٸسٸنشە 3 884 جەنە 988 ادام. سونىمەن قاتار 561 ادام – باسشىلار مەن ولاردىڭ ورىنباسارلارى, 2 280 ادام – قۇرىلىمدىق بٶلٸمشە باسشىلارى, 3 036 ادام – ماۋسىمدىق جۇمىستارعا تارتىلعان, ال 3 918 قىزمەتكەر كورپوراتيۆتٸك اۋىستىرۋ ارقىلى كەلگەن.

قازٸرگٸ تاڭدا ەلدە شەتەلدٸك جۇمىس كٷشٸن پايدالاناتىن 1 896 جۇمىس بەرۋشٸ بار. بۇل كەسٸپورىنداردا جالپى 339 مىڭنان استام قازاقستاندىق ەڭبەك ەتەدٸ, ياعني قىزمەتكەرلەردٸڭ 96%-ى – وتاندىق ماماندار.

سالالار بويىنشا ەڭ كٶپ شەتەلدٸك قىزمەتكەرلەر:
🔹 قۇرىلىس سالاسىندا – 4 799 ادام,
🔹 اۋىل, ورمان جەنە بالىق شارۋاشىلىعىندا – 3 065 ادام,
🔹 تاۋ-كەن ٶنەركەسٸبٸندە – 1 187 ادام,
🔹 ٶڭدەۋ ٶنەركەسٸبٸندە – 1 085 ادام.

ەڭبەك ميگرانتتارىنىڭ باسىم بٶلٸگٸ كەلەتٸن ەلدەر:

• - قىتاي – 5 330 ادام
  - ٶزبەكستان – 2 682 ادام
  - تٷركييا – 1 046 ادام
  - ٷندٸستان – 1 012 ادام

مينيسترلٸكتٸڭ مەلٸمەتٸنشە, ٸشكٸ ەڭبەك نارىعىن قورعاۋ ٷشٸن شەتەلدٸك مامانداردى تارتۋعا جىل سايىن كۆوتا بەلگٸلەنەدٸ. 2025 جىلعا ارنالعان جالپى كۆوتا جۇمىس كٷشٸنٸڭ 0,25%-ىن نەمەسە 19,4 مىڭ ادامدى قۇرايدى.

بۇل شەشٸم ماۋسىمدىق جۇمىسشىلارعا ارنالعان كەسٸپتەر تٸزبەسٸنٸڭ كەڭەيۋٸنە جەنە ٶڭٸرلەردەن تٷسكەن سۇرانىستىڭ ارتۋىنا بايلانىستى قابىلدانعان.