قازاقستان پرەزيدەنتٸ قاسىم-جومارت توقاەۆ رەسپۋبليكا كٷنٸ قارساڭىنداعى جيىندا ەل ەكونوميكاسىنىڭ ٶسٸمٸ, حالىقتىڭ ەل-اۋقاتى جەنە ٶنەركەسٸپ سالاسىنداعى جەتٸستٸكتەر تۋرالى ايتتى, دەپ حابارلايدى ult.kz.
مەملەكەت باسشىسىنىڭ سٶزٸنشە, 2019 جىلدان بەرٸ قازاقستان ەكونوميكاسى 30 پايىزعا جۋىق ٶسكەن. ال جان باسىنا شاققانداعى جالپى ٸشكٸ ٶنٸم كٶلەمٸ 15 مىڭ دوللاردان اسقان.
«ۇلتتىق قور – بالالارعا» جوباسى اياسىندا 7 ميلليون بالانىڭ ەسەپشوتىنا 2,5 ميلليارد دوللار اۋدارىلعان. بىلتىر ەلدە 20 ميلليون شارشى مەتردەن استام تۇرعىن ٷي سالىنىپ, بۇل كٶرسەتكٸش رەكوردتىق دەڭگەيگە جەتكەن.
پرەزيدەنت ازاماتتاردىڭ ورتاشا ٶمٸر سٷرۋ ۇزاقتىعى 76 جاسقا جاقىنداعانىن اتاپ ٶتتٸ. سونداي-اق قازاقستان بۇل كٶرسەتكٸش بويىنشا ٶڭٸردە كٶش باستاپ تۇرعانىن ايتتى.
توقاەۆ ۇلتتىق ەكونوميكانىڭ ەلەۋەتٸنە توقتالىپ, ەلدٸڭ جالپى ٸشكٸ ٶنٸمٸ 350 ميلليارد دوللارعا جاقىنداعانىن جەتكٸزدٸ. ونىڭ ايتۋىنشا, بۇل كٶرسەتكٸش بويىنشا قازاقستان تەۋەلسٸز مەملەكەتتەر دوستاستىعى ەلدەرٸ اراسىندا ەكٸنشٸ ورىندا تۇر. ال شاعىن جەنە ورتا بيزنەستٸڭ ەكونوميكاداعى ٷلەسٸ 40 پايىزعا جەتكەن.
ٶڭدەۋ ٶنەركەسٸبٸنٸڭ ەكسپورتى 45 پايىزدان استى
مەملەكەت باسشىسى سوڭعى جىلدارى ٶندٸرٸس پەن كٶلٸك-لوگيستيكا سالاسىندا دا ٸلگەرٸلەۋ بار ەكەنٸن ايتتى.
سوڭعى بەس جىلدا ٶڭدەۋ ٶنەركەسٸبٸندەگٸ ەكسپورت كٶلەمٸ 45 پايىزدان اسقان. قازاقستاندا تەمٸرجول سالاسىنا قاجەتتٸ رەلستەر مەن شپالداردان باستاپ, ۆاگوندار مەن ەلەكتروۆوزدارعا دەيٸن ٶندٸرٸلە باستاعان.
اۆتوكٶلٸك ٶندٸرٸسٸ دە قارقىن العان. پرەزيدەنتتٸڭ مەلٸمەتٸنشە, ەلٸمٸزدە جىل سايىن 150 مىڭنان استام جەڭٸل جەنە جٷك كٶلٸگٸ شىعارىلادى.
سونىمەن قاتار سوڭعى جەتٸ جىلدا قازاقستانعا 155 ميلليارد دوللار ينۆەستيتسييا تارتىلعان.
«جىل باسىنان بەرٸ جالپى سوماسى 60 ميلليارد دوللار بولاتىن 355 كوممەرتسييالىق كەلٸسٸمگە قول قويىلدى. وسىنىڭ ٶزٸ كٶپ نەرسەنٸ اڭعارتادى», – دەدٸ قاسىم-جومارت توقاەۆ.
پرەزيدەنت قازاقستاننىڭ ەۋرازيياداعى جەتەكشٸ كٶلٸك-لوگيستيكا حابى رەتٸندەگٸ رٶلٸن دە اتاپ ٶتتٸ. ونىڭ سٶزٸنشە, ەلدە ەۋەجايلار, ۆوكزالدار, كٶپٸرلەر مەن تەڭٸز ايلاقتارى سالىنىپ, جٶندەلٸپ جاتىر. شەكارا ماڭىنداعى ينفراقۇرىلىمدى جاڭعىرتۋ جۇمىستارى دا جالعاسادى.
