قازاقستاندا مەرزٸمدٸ ەسكەري قىزمەتتٸ ەكٸ كەزەڭگە بٶلٸپ, العاشقى التى ايدا ساربازداردى وقۋ ورتالىقتارىندا, كەلەسٸ التى ايدا ەسكەري بٶلٸمدەردە دايارلاۋ جوسپارلانىپ وتىر. بۇل تۋرالى پرەزيدەنت قاسىم-جومارت توقاەۆتىڭ تٶراعالىعىمەن ٶتكەن قاۋٸپسٸزدٸك كەڭەسٸنٸڭ وتىرىسىندا ايتىلدى, دەپ حابارلايدى ult.kz.
جيىندا ەسكەري رەفورما جوسپارىنىڭ جوباسى قارالدى. مەملەكەت باسشىسى زاماناۋي, ۇتقىر ەرٸ تەحنولوگييالىق تۇرعىدان وزىق ارمييا قۇرۋ قاجەتتٸگٸن اتاپ ٶتتٸ.
«قارۋلى كٷشتەردٸڭ ساپاسىن ٶزگەرتۋ مٸندەتٸ قويىلدى. ٶزگەرٸستەر باسقارۋ ٸسٸن, ەسكەري قىزمەتشٸلەردٸ دايارلاۋدى, كادر ساياساتىن, ەسكەري بٸلٸم بەرۋدٸ, قورعانىستى جوسپارلاۋ مەن تەحنولوگييالىق جاراقتاندىرۋدى قامتۋعا تيٸس», – دەدٸ پرەزيدەنت.
ارمييادا قانداي ٶزگەرٸستەر بولادى?
قاۋٸپسٸزدٸك كەڭەسٸ تٶراعاسىنىڭ ورىنباسارى ايدا بالاەۆا ەسكەري رەفورمانىڭ نەگٸزگٸ باعىتتارىن تانىستىردى. جوسپار بويىنشا:
- قارۋلى كٷشتەردٸڭ قۇرىلىمى مەن قۇرامىن قايتا قاراۋ;
- ەسكەري باسقارۋ جەنە قورعانىستى جوسپارلاۋ جٷيەسٸن جەتٸلدٸرۋ;
- ۇشقىشسىز جٷيەلەر كٷشتەرٸن قۇرۋ;
- ارمييانىڭ نەگٸزگٸ كومپونەنتتەرٸن نىعايتۋ;
- ەسكەري قىزمەتشٸلەردٸڭ قاۋٸپسٸزدٸگٸ مەن قۇقىقتارىن قورعاۋدى كٷشەيتۋ كٶزدەلگەن.
سونىمەن قاتار ەسكەري كونسۋلتانتتار مەن ەسكەري قىزمەتشٸلەر ٸستەرٸ جٶنٸندەگٸ ۋەكٸل ينستيتۋتتارىن قۇرۋ جوسپارلانىپ وتىر. ەسكەردەگٸ جارعىعا قايشى ەرەكەتتەردٸڭ الدىن الىپ, ەسكەري تەرتٸپتٸ كٷشەيتۋگە دە باسىمدىق بەرٸلەدٸ.
ەسكەرگە شاقىرىلۋشىلار قالاي دايارلانادى?
ەسكەري رەفورمانىڭ ماڭىزدى باعىتتارىنىڭ بٸرٸ – مەرزٸمدٸ ەسكەري قىزمەتتٸڭ ەكٸ كەزەڭنەن تۇراتىن ٷلگٸسٸنە كٶشۋ.
جوسپارعا سەيكەس, العاشقى التى ايدا ساربازدار وقۋ ورتالىقتارىندا دايارلىقتان ٶتەدٸ. كەلەسٸ التى ايدا ەسكەري بٶلٸمدەردە قىزمەت ەتٸپ, جاۋىنگەرلٸك دايارلىققا جەنە بٶلٸمشە قۇرامىندا مٸندەتتەردٸ ورىنداۋعا ماشىقتانادى.
بۇدان بٶلەك, «ادال ازامات» تۇجىرىمداماسى نەگٸزٸندە «جاس ايبىن» بٸرىڭعاي ەسكەري-پاتريوتتىق دايارلىق جٷيەسٸن دامىتۋ, مامانداندىرىلعان ەسكەري مەكتەپتەر جەلٸسٸن كەڭەيتۋ جەنە باستاپقى ەسكەري دايارلىقتى جەتٸلدٸرۋ جوسپارلانعان.
رەفورما قاشان جٷزەگە اسىرىلادى?
قورعانىس مينيسترٸ ايدوس مىرزاحمەتوۆ قارۋلى كٷشتەردٸ جاڭعىرتۋ جوسپارىن تانىستىردى. ونىڭ نەگٸزگٸ باعىتتارىنىڭ بٸرٸ – جاڭا اقپاراتتىق-كوممۋنيكاتسييالىق ستراتەگييا قابىلداۋ جەنە تەربيە جۇمىسىن «زاڭ مەن تەرتٸپ» قاعيداتىنا ساي جەتٸلدٸرۋ.
جوسپارداعى ۇيىمداستىرۋ شارالارىن بيىلعى جىلدىڭ سوڭىنا دەيٸن, ال نەگٸزگٸ تۇجىرىمدامالىق ٶزگەرٸستەردٸ كەلەسٸ جىلى جٷزەگە اسىرۋ كٶزدەلگەن.
وتىرىس قورىتىندىسى بويىنشا ەسكەري رەفورما جوسپارى ماقۇلداندى. قورعانىس مينيسترلٸگٸنٸڭ قىزمەتٸن كەشەندٸ تەكسەرۋ جٶنٸندەگٸ كوميسسييا جۇمىسى دا جىل سوڭىنا دەيٸن اياقتالۋى تيٸس.
پرەزيدەنت ەسكەري قاۋٸپسٸزدٸك بٷكٸل مەملەكەتكە ورتاق مٸندەت ەكەنٸن اتاپ ٶتٸپ, رەفورمانىڭ ۋاقتىلى ەرٸ تولىق ورىندالۋى كەرەكتٸگٸن تاپسىردى. جوسپاردىڭ ٸسكە اسىرىلۋىن ٷكٸمەت پەن قاۋٸپسٸزدٸك كەڭەسٸ ٷيلەستٸرەدٸ.
