Qazaqstanda merzimdi áskeri qyzmetti eki kezeńge bólip, alǵashqy alty aida sarbazdardy oqý ortalyqtarynda, kelesi alty aida áskeri bólimderde daiarlaý josparlanyp otyr. Bul týraly Prezident Qasym-Jomart Toqaevtyń tóraǵalyǵymen ótken Qaýipsizdik Keńesiniń otyrysynda aityldy, dep habarlaidy ult.kz.
Jiynda áskeri reforma josparynyń jobasy qaraldy. Memleket basshysy zamanaýi, utqyr ári tehnologiialyq turǵydan ozyq armiia qurý qajettigin atap ótti.
«Qarýly kúshterdiń sapasyn ózgertý mindeti qoiyldy. Ózgerister basqarý isin, áskeri qyzmetshilerdi daiarlaýdy, kadr saiasatyn, áskeri bilim berýdi, qorǵanysty josparlaý men tehnologiialyq jaraqtandyrýdy qamtýǵa tiis», – dedi Prezident.
Armiiada qandai ózgerister bolady?
Qaýipsizdik Keńesi Tóraǵasynyń orynbasary Aida Balaeva áskeri reformanyń negizgi baǵyttaryn tanystyrdy. Jospar boiynsha:
- Qarýly kúshterdiń qurylymy men quramyn qaita qaraý;
- Áskeri basqarý jáne qorǵanysty josparlaý júiesin jetildirý;
- Ushqyshsyz júieler kúshterin qurý;
- Armiianyń negizgi komponentterin nyǵaitý;
- Áskeri qyzmetshilerdiń qaýipsizdigi men quqyqtaryn qorǵaýdy kúsheitý kózdelgen.
Sonymen qatar áskeri konsýltanttar men Áskeri qyzmetshiler isteri jónindegi ýákil institýttaryn qurý josparlanyp otyr. Áskerdegi jarǵyǵa qaishy áreketterdiń aldyn alyp, áskeri tártipti kúsheitýge de basymdyq beriledi.
Áskerge shaqyrylýshylar qalai daiarlanady?
Áskeri reformanyń mańyzdy baǵyttarynyń biri – merzimdi áskeri qyzmettiń eki kezeńnen turatyn úlgisine kóshý.
Josparǵa sáikes, alǵashqy alty aida sarbazdar oqý ortalyqtarynda daiarlyqtan ótedi. Kelesi alty aida áskeri bólimderde qyzmet etip, jaýyngerlik daiarlyqqa jáne bólimshe quramynda mindetterdi oryndaýǵa mashyqtanady.
Budan bólek, «Adal azamat» tujyrymdamasy negizinde «Jas aibyn» biryńǵai áskeri-patriottyq daiarlyq júiesin damytý, mamandandyrylǵan áskeri mektepter jelisin keńeitý jáne bastapqy áskeri daiarlyqty jetildirý josparlanǵan.
Reforma qashan júzege asyrylady?
Qorǵanys ministri Aidos Myrzahmetov Qarýly Kúshterdi jańǵyrtý josparyn tanystyrdy. Onyń negizgi baǵyttarynyń biri – jańa aqparattyq-kommýnikatsiialyq strategiia qabyldaý jáne tárbie jumysyn «Zań men tártip» qaǵidatyna sai jetildirý.
Jospardaǵy uiymdastyrý sharalaryn biylǵy jyldyń sońyna deiin, al negizgi tujyrymdamalyq ózgeristerdi kelesi jyly júzege asyrý kózdelgen.
Otyrys qorytyndysy boiynsha Áskeri reforma jospary maquldandy. Qorǵanys ministrliginiń qyzmetin keshendi tekserý jónindegi komissiia jumysy da jyl sońyna deiin aiaqtalýy tiis.
Prezident áskeri qaýipsizdik búkil memleketke ortaq mindet ekenin atap ótip, reformanyń ýaqtyly ári tolyq oryndalýy kerektigin tapsyrdy. Jospardyń iske asyrylýyn Úkimet pen Qaýipsizdik Keńesi úilestiredi.
