Sheteldik JOO stýdentteri de meditsinalyq qyzmetterdi tegin ala alady. Bul týraly Bilim jáne ǵylam ministrliginiń málimetinen belgili boldy, dep habarlaidy "Ult aqparat".
Sheteldik joǵary oqý oryndaryna óz betinshe oqýǵa túsken, al qazir qashyqtan oqyp jatqan qazaqstandyq stýdentter QR Bilim jáne ǵylym ministrligine ótinish bildirip, meditsinalyq qyzmetterdi tegin alý boiynsha kómek kórsetýdi suraǵan.
Bul stýdentter de qazaqstandyq joǵary oqý oryndarynyń stýdentteri siiaqty MÁMS aiasynda meditsinalyq kómekti tegin alatyn bolady. Stýdentter saqtandyrý júiesindegi óz mártebesin rastaý úshin «elektrondyq úkimet» portalynda tirkeýden ótýleri qajet. Nátijesinde, olar MÁMS aiasynda jeńildikter sanatyna engiziledi.
«Stýdentter ótinishterin ministrdiń blogyna da joldady. Biz birden áreket jasap, olardyń «elektrondyq úkimet» portaly arqyly tirkelýi úshin qajet jaǵdai jasadyq. 10 kúnniń ishinde «Shetelde oqityn stýdentterdi tirkeý» qyzmetin 250-ge jýyq adam paidalanǵan. Endigi kezekte olar meditsinalyq qyzmetterdi tegin ala alady», – dep jazdy Bilim jáne ǵylym vitse-ministri Rústam Biǵari Facebook-tegi paraqshasynda.
