شەتەلدٸك جوو ستۋدەنتتەرٸ دە مەديتسينالىق قىزمەتتەردٸ تەگٸن الا الادى. بۇل تۋرالى بٸلٸم جەنە عىلام مينيسترلٸگٸنٸڭ مەلٸمەتٸنەن بەلگٸلٸ بولدى, دەپ حابارلايدى "ۇلت اقپارات".
شەتەلدٸك جوعارى وقۋ ورىندارىنا ٶز بەتٸنشە وقۋعا تٷسكەن, ال قازٸر قاشىقتان وقىپ جاتقان قازاقستاندىق ستۋدەنتتەر قر بٸلٸم جەنە عىلىم مينيسترلٸگٸنە ٶتٸنٸش بٸلدٸرٸپ, مەديتسينالىق قىزمەتتەردٸ تەگٸن الۋ بويىنشا كٶمەك كٶرسەتۋدٸ سۇراعان.
بۇل ستۋدەنتتەر دە قازاقستاندىق جوعارى وقۋ ورىندارىنىڭ ستۋدەنتتەرٸ سيياقتى مەمس اياسىندا مەديتسينالىق كٶمەكتٸ تەگٸن الاتىن بولادى. ستۋدەنتتەر ساقتاندىرۋ جٷيەسٸندەگٸ ٶز مەرتەبەسٸن راستاۋ ٷشٸن «ەلەكتروندىق ٷكٸمەت» پورتالىندا تٸركەۋدەن ٶتۋلەرٸ قاجەت. نەتيجەسٸندە, ولار مەمس اياسىندا جەڭٸلدٸكتەر ساناتىنا ەنگٸزٸلەدٸ.
«ستۋدەنتتەر ٶتٸنٸشتەرٸن مينيستردٸڭ بلوگىنا دا جولدادى. بٸز بٸردەن ەرەكەت جاساپ, ولاردىڭ «ەلەكتروندىق ٷكٸمەت» پورتالى ارقىلى تٸركەلۋٸ ٷشٸن قاجەت جاعداي جاسادىق. 10 كٷننٸڭ ٸشٸندە «شەتەلدە وقيتىن ستۋدەنتتەردٸ تٸركەۋ» قىزمەتٸن 250-گە جۋىق ادام پايدالانعان. ەندٸگٸ كەزەكتە ولار مەديتسينالىق قىزمەتتەردٸ تەگٸن الا الادى», – دەپ جازدى بٸلٸم جەنە عىلىم ۆيتسە-مينيسترٸ رٷستام بيعاري Facebook-تەگٸ پاراقشاسىندا.
