QR Ishki ister ministrligi Eýraziialyq ekonomikalyq odaqqa múshe elderde ákelingen kólikterdi elimizde resmi tirkeý úshin júrgizýshiler qansha aqsha tóleýi kerektigin túsindirdi, – dep habarlaidy QazAqparat.
«Soma salyq zańnamasy aiasynda bekitilgen. Ol barlyǵy úshin birdei. Armeniiadan jáne basqa aýmaqtan ákelingen kólik quraldary úshin esh aiyrmashylyǵy joq. Kólik iesi memlekettik nómir men tehnikalyq qujatyna shamamen 10 myń teńge jáne bastapqy tirkeý úshin kólik quralynyń shyǵarylǵan jylyna bailanysty 600 myńnan 1 mln teńgeden astamǵa deiin soma tóleýi kerek», - dedi Úkimet otyrysy aiasynda BAQ ókilderine suhbat bergen QR IIM Ákimshilik politsiia komiteti tóraǵasynyń orynbasary Serik Túsipov.
Sonymen qatar, ol avtomobilderdi tirkeý úshin bólingen merzimdi de túsindirip berdi.
«Azamattardyń arasynda jalǵan aqparat tarap, HQKO-larda dúrbeleń bolmaýy úshin daiyndyq jumystaryn júrgizip jatyrmyz. Mundai tirkeýdi azamattar óz kólikterin zańdastyryp úlgerýi úshin barynsha uzaq ýaqyt júrgizemiz. Tólem jasaý merzimi shegerilgen múmkindigi bar atalǵan jeńildik kezeńi aqpanda bastalyp, 2021 jyldyń naýryzyna deiin jalǵasady», - dedi ol.
